प्रभूंकडे हवाई वाहतूक मंत्रालयाचीही जबाबदारी

नवी दिल्ली:

केंद्रीय वाणिज्य आणि उद्योग मंत्री सुरेश प्रभू यांच्याकडे हवाई वाहतूक मंत्रालयाचीही अतिरिक्त जबाबदारी सोपवण्यात आली आहे. तेलुगू देसम पक्षाचे अशोक गजपती राजू यांनी मंत्रिपदाचा राजीनामा दिल्यानंतर हा बदल करण्यात आला आहे.

आंध्र प्रदेशला विशेष दर्जा देण्याच्या मागणीवरून तेलुगू देसम पक्षाचे एनडीए सरकारमधील मंत्री अशोक गजपती राजू आणि वाय. एस. चौधरी या दोघांनी राजीनामे दिले होते. त्यांचे राजीनामे मंजूर करण्यात आले होते. राजू हे हवाई वाहतूक मंत्री होते. त्यांनी राजीनामा दिल्याने या खात्याचा तात्पुरता कार्यभार पंतप्रधान नरेंद्र मोदींकडेच होता. आता या मंत्रालयाची अतिरिक्त जबाबदारी प्रभू सांभाळणार आहेत.