Agni-5 missile : अग्नी-5 क्षेपणास्त्राची यशस्वी चाचणी, ५ हजार किलोमीटरपर्यंत हल्ल्याची उच्च क्षमता

नवी दिल्लीः जमिनीवरून जमिनीवर मारा करणाऱ्या अग्नी-5 क्षेपणास्त्राचे ( surface to surface ballistic missile agni 5 ) आज ओडिशातील एपीजे अब्दुल कलाम बेटावरून यशस्वी चाचणी करण्यात आली. भारत सरकारने ही माहिती दिली. अग्नी-5 हे तीन टप्प्याचे क्षेपणास्त्र आहे. हे क्षेपणास्त्र उच्च अचूकतेसह ५,००० किमी पर्यंतचे लक्ष्य गाठण्यास सक्षम आहे.

भारताने अग्नी-5 या जमिनीवरून जमिनीवर मारा करणाऱ्या बॅलिस्टिक क्षेपणास्त्राची यशस्वी चाचणी घेतली. अग्नी-5 क्षेपणास्त्र ५,००० किमी अंतरापर्यंतच्या लक्ष्याला उच्च पातळीवर अचूकतेसह लक्ष्य टिपण्यास सक्षम आहे. याची चाचणी बुधवारी घेण्यात आली. अग्नी-V ची यशस्वी चाचणी भारताच्या विश्वसनीय किमान प्रतिबंध क्षमता साध्य करण्याच्या भारताच्या धोरणाशी सुसंगत आहे, अशी माहिती एका अधिकाऱ्याने दिली.

जमिनीवरून जमिनीवर मारा करणाऱ्या या क्षेपणास्त्राची पहिली चाचणी २०१२ मध्ये घेण्यात आली होती. भारताने आधीच अग्नी-१,२,३ क्षेपणास्त्रे तैनात केली आहेत. या तिन्ही क्षेपणास्त्रांची रचना पाकिस्तानकडून निर्माण होणारे धोके लक्षात घेऊन करण्यात आल्याचे मानले जात आहे. तर अग्नी-5 हे चीनसमोरील आव्हानांसाठी खास तयार करण्यात आले आहे. अग्नी-5 हे क्षेपणास्त्र चीनच्या कुठल्याही भागात मारा करू शकते.

captain sariya abbasi : भारताची रणरागिणी! 'ड्रोन-किलर' गन्सच्या कमांडर कॅप्टन सरिया अब्बासी यांचे फोटो

bofors guns at the tawang : भारताची 'मुलूखमैदानी तोफ' अरुणाचलमध्ये LAC वर तैनात, चिन्यांच्या चिंधड्या उडवणार