चाळीशीतील महिलेनी दिली किडनी
नवी दिल्ली : परराष्ट्रमंत्री सुषमा स्वराज यांच्यावर शनिवारी येथील एम्स रुग्णालयामध्ये किडनी प्रत्यारोपणाची शस्त्रक्रिया करण्यात आली. शस्त्रक्रिया यशस्वी झाली असून स्वराज यांची प्रकृती स्थिर असल्याचे एम्सचे संचालक डॉ. एम.सी. मिश्रा यांनी सांगितले.
शस्त्रक्रियेच्या वेळी एम्सचे संचालक डॉ. मिश्रा तसेच डॉ. व्ही.के. बन्सल, डॉ. व्ही. सीनु, डॉ. बलराम ऐरन आणि डॉ. संदीप महाजन या नामवंत डॉक्टरांसह अन्य तंत्रज्ञ, नर्सेस, कर्मचारी मिळून तब्बल ५० जणांचे पथक कार्यरत होते.
सकाळी ९ ते दुपारी २.३० अशी सुमारे साडेपाच तास ही शस्त्रक्रिया सुरू होती. शस्त्रक्रियेनंतर स्वराज यांना आयसीयूमध्ये दाखल करण्यात आले असून वरिष्ठ डॉक्टरांचे एक पथक त्यांच्या प्रकृतीवर लक्ष ठेऊन आहे. दरम्यान, स्वराज यांना किडनी दान करणारी महिला चाळीशीतील असून ती स्वराज यांच्या नात्यातील नसल्याचे एम्समधील सूत्रांनी सांगितले. ६४ वर्षीय स्वराज या बऱ्याच काळापासून मधुमेहाने त्रस्त आहेत. त्यांच्या दोन्ही किडन्या निकामी झाल्याचे निष्पन्न झाल्यानंतर त्यांच्यावर आठवड्यातून तीनदा डायलिसीस करावे लागत होते. आपल्या किडन्या निकामी झाल्या असून आपण एम्समध्ये उपचारासाठी दाखल झाल्याचे स्वराज यांनी स्वत: १६ नोव्हेंबर रोजी ट्वीट करून जाहीर केले होते. ७ नोव्हेंबरला स्वराज यांना एम्समध्ये दाखल केल्यानंतर किडनीदात्याचा शोध सुरू होता.
नवी दिल्ली : परराष्ट्रमंत्री सुषमा स्वराज यांच्यावर शनिवारी येथील एम्स रुग्णालयामध्ये किडनी प्रत्यारोपणाची शस्त्रक्रिया करण्यात आली. शस्त्रक्रिया यशस्वी झाली असून स्वराज यांची प्रकृती स्थिर असल्याचे एम्सचे संचालक डॉ. एम.सी. मिश्रा यांनी सांगितले.
शस्त्रक्रियेच्या वेळी एम्सचे संचालक डॉ. मिश्रा तसेच डॉ. व्ही.के. बन्सल, डॉ. व्ही. सीनु, डॉ. बलराम ऐरन आणि डॉ. संदीप महाजन या नामवंत डॉक्टरांसह अन्य तंत्रज्ञ, नर्सेस, कर्मचारी मिळून तब्बल ५० जणांचे पथक कार्यरत होते.
सकाळी ९ ते दुपारी २.३० अशी सुमारे साडेपाच तास ही शस्त्रक्रिया सुरू होती. शस्त्रक्रियेनंतर स्वराज यांना आयसीयूमध्ये दाखल करण्यात आले असून वरिष्ठ डॉक्टरांचे एक पथक त्यांच्या प्रकृतीवर लक्ष ठेऊन आहे. दरम्यान, स्वराज यांना किडनी दान करणारी महिला चाळीशीतील असून ती स्वराज यांच्या नात्यातील नसल्याचे एम्समधील सूत्रांनी सांगितले. ६४ वर्षीय स्वराज या बऱ्याच काळापासून मधुमेहाने त्रस्त आहेत. त्यांच्या दोन्ही किडन्या निकामी झाल्याचे निष्पन्न झाल्यानंतर त्यांच्यावर आठवड्यातून तीनदा डायलिसीस करावे लागत होते. आपल्या किडन्या निकामी झाल्या असून आपण एम्समध्ये उपचारासाठी दाखल झाल्याचे स्वराज यांनी स्वत: १६ नोव्हेंबर रोजी ट्वीट करून जाहीर केले होते. ७ नोव्हेंबरला स्वराज यांना एम्समध्ये दाखल केल्यानंतर किडनीदात्याचा शोध सुरू होता.