नवी दिल्ली
'प्रकल्पाला मान्यता देण्यासाठी लाच म्हणून बॉलिवूडच्या दोन नायिकांची मागणी करणाऱ्या मंत्र्यावर भ्रष्टाचार प्रतिबंधक कायद्यान्वये कारवाई करता येईल का,' असा प्रश्न भारतीय जनता पक्षाचे नेते सुब्रमण्यम स्वामी यांनी ट्विटरवर केल्याने खळबळ उडाली आहे. मात्र यामध्ये त्यांनी कोणत्याही मंत्र्याचे नाव घेतलेले नाही.
'मी सध्या भ्रष्टाचार प्रतिबंधक कायद्याबाबत संशोधन करत आहे. प्रकल्पाला मान्यता देण्यासाठी लाच म्हणून बॉलिवूडच्या दोन नायिकांची मागणी करणाऱ्या मंत्र्यावर या कायद्यांतर्गत कारवाई करता येईल का? याबाबत कोणाला काही माहिती असेल, तर कळवा. सध्या सुरू असलेल्या भ्रष्टाचाराच्या एका खटल्यासाठी ही माहिती हवी आहे,' असे स्वामी यांनी ट्विटमध्ये म्हटले आहे. त्यामुळे स्वामी यांनी संकेत दिलेला हा मंत्री कोण, अशी चर्चा राजकीय क्षेत्रात सुरू झाली आहे.