फक्त ताहीरवरच कारवाई का? जावेद अख्तर यांचा सवाल

नवी दिल्लीः दिल्लीतील हिंसाचारावरून गीतकार जावेद अख्तर यांनी ट्विट करून दिल्ली पोलिसांच्या कारवाईवर प्रश्न उपस्थित केला आहे. हिंसाचारात अनेकांची घरं जाळली गेली. अनेकांचा मृत्यू झाला. पण फक्त एकावरच कारवाई का?, असा प्रश्न जावेद अख्तर यांनी ट्विटवरून पोलिसांना केला आहे. जावेद अख्तर यांच्या ट्विटवरून अनेकांनी त्यांच्यावर टीका केलीय. दरम्यान, आयबी अधिकारी अंकित शर्मा यांच्या हत्येप्रकरणी ताहीर हुसेन यांच्याविरोधात गुन्हा दाखल करण्यात आला आहे. यानंतर 'आप'ने ताहीर यांना पक्षातून निलंबित केलंय.

काय म्हणाले जावेद अख्तर

हिंसाचाराच्या आरोपावरून 'आप'चे नगरसेवक ताहीर हुसेन यांचा कारखाना पोलिसांनी सील केलाय. यावर जावेद अख्तर यांनी पोलिसांवर शरसंधान साधलंय. 'हिंसाचारात अनेकांचा मृत्य झालाय. अनेक जखमी झालेत. कित्येक घरं पेटवली गेली. दुकानं लुटली गेली. तर शेकडो विस्थापित झाले. पण पोलीस फक्त एकावर कारवाई करत आहे. त्याचं घर सील करतेय. त्या घराच्या मालकाचा शोध सुरू आहे. योगायोगाने त्याचं नाव ताहीर आहे. दिल्ली पोलीस एकच गोष्ट घेऊन बसले. त्यांच्या या कामगिरीला सलाम', असा टोला अख्तर यांनी लगावलाय.

राजीव गांधींप्रमाणे सोनियांनीही दिल्लीकरांना चिथा...

जावेद अख्तर यांच्या ट्विटवर अनेकांनी प्रतिक्रिया देत त्यांच्यावर टीका केलीय. जावेद अख्तर हे मुस्लिमांना पोलिसांविरोधात चिथावत आहेत, असं माधुरी बोरसे यांनी ट्विट करून म्हटलंय.

दिल्ली हिंसाचार: मृतांच्या कुटुंबाला १० लाख रुपया...

ताहीर यांचा कारखाना का सील केला?

'आप'चे नगरसेवक ताहीर हुसेन यांचा एक व्हिडिओ सोशल मीडियावर व्हायरल झाला आहे. या व्हिडिओत ताहीर हे चाँदबागमधील आपल्या घरात ते दंगलखोरांसोबत हातात लाठी घेऊन असल्याचं दिसत आहे. ताहीर यांनी घरात तरुणांसाठी दगडं गोळा करून ठेवली होती. हे तरुण रस्त्यावरून जाणाऱ्यांवर वरून दगडफेक करत होते, असा दावा या व्हिडिओतून करण्यात आला आहे. तपासात ताहीर यांच्या घरातून पेट्रोल बॉम्ब, दगडांचा साठा आढळून आला. हिंसाचारात सामील असल्याच्या आरोपावरून ताहीर यांचा खजुरी खास भागातील कारखाना पोलिसांनी आज सील केला. तर काही जण आपल्या घरात बळजबरी घुसले होते. यानंतर पोलिसांच्या मदतीने आपण घरा बाहेर आले, असा दावा ताहीर यांनी केलाय.