डिंडीगूल, तामिळनाडू : तामिळनाडू राज्यातील डिंडीगूल भागात अतिशय धक्कादायक प्रकार समोर आलाय. आपल्या मृत आईला परत मिळवण्यासाठी दोन अल्पवयीन मुलांनी तिचा मृतदेह तब्बल २० दिवस घरातच ठेवल्याचं समोर आलंय. एका भोंदूबाबाच्या सांगण्यावरून त्यांनी मृतदेह घरात ठेवून देवाची पूजा - अर्चना केली. यामुळे, मृत आई परत जिवंत होऊ शकेल, असं सांगून सुदर्शन नावाच्या या भोंदूबाबानं अल्पवयीन मुलांना हे कृत्य करण्यास भाग पाडलं. उल्लेखनीय म्हणजे, मृत महिला ही पोलीस कर्मचारी होती. इंदिरा असं या महिलेचं नाव असल्याचं समोर आलंय.
इंदिरा डिंडीगूलच्या एका महिला पोलीस स्टेशनमध्ये हेड कॉन्स्टेबल म्हणून काम करत होती. 'सिंगल पॅरेन्ट' म्हणून इंदिरा आपल्या दोन्ही मुलांचा सांभाळ करत होती. तिला १३ वर्षांचा एक मुलगा आणि ९ वर्षांची एक मुलगी आहे. गेल्या अनेक दिवसांपासून इंदिराला मूत्रपिंडाशी संबंधित त्रास जाणवत होता.
आरोग्याशी संबंधित तक्रारी वाढल्यानं इंदरानं काही दिवसांपूर्वी स्वेच्छानिवृत्तीसाठी पोलीस विभागाकडे अर्जही सादर केला होता. तसंच काही दिवसांपासून ती पोलीस स्टेशनलाही येऊ शकली नव्हती. इंदिराचा संपर्क न झाल्यानं एका महिला कॉन्स्टेबलनं इंदिराचं घर गाठलं. तेव्हा अतिशय धक्कादायक प्रकार तिच्या निदर्शनास आला.
भोंदूबाबाच्या नादी लागून अल्पवयीन मुलांनी २० दिवस मृतदेह घरातच ठेवला
हा महिला पोलीस कॉन्स्टेबल इंदिराच्या घरी पोहचली तेव्हा तिला घरात दोन्ही अल्पवयीन मुलं आढळली. घरात अत्यंत दुर्गंध येत असल्याचंही तिच्या लक्षात आलं. इंदिराबद्दल तिनं मुलांकडे चौकशी केली असता, आई झोपली असून तिला झोपेतून उठवता येणार नाही अन्यथा परमात्मा तिला हानी पोहचवेल, अशी वाक्य मुलांच्या तोंडून ऐकून तिला धक्काच बसला.
यानंतर महिलेनं प्रसंगावधान राखत यासंबंधी आपल्या सहकाऱ्यांना याबद्दल सूचना दिली. त्यानंतर पोलिसांच्या अधिक चौकशीत इंदिराचा २० दिवसांपूर्वीच मृत्यू झाल्याचं पोलिसांच्या लक्षात आलं.
घरात इंदिराच्या मृतदेहाजवळ पूजेचं साहित्य पसरलेलं होतं. पोलिसांनी अधिक चौकशी केली तेव्हा इंदिरा ७ डिसेंबर रोजी घरातच बेशुद्ध पडल्याचं समोर आलं. परंतु, भोंदूबाबाच्या सांगण्यामुळे तिला रुग्णालयात दाखल करण्यात आलं नाही. यावेळी, इंदिराची बहीणदेखील तिच्यासोबत होती.
इंदाराला रुग्णालयात हलवण्यात आलं तर इंदिरा जिवंत मिळणार नाही, अशी भीती या भोंदूबाबा सुदर्शननं इंदिराच्या बहिणीला आणि अल्पवयीन मुलांना घातली. गेले २० दिवस त्यानंही याच घरात आपलं ठाण मांडलं होतं. इंदिराला पुन्हा जिवंत करणार असल्याचं त्यानं या मुलांना सांगितलं होतं.
पोलिसांनी भोंदूबाबा सुदर्शन तसंच इंदिराच्या बहिणीला चौकशीसाठी ताब्यात घेतलंय. दोन्हीही अल्पवयीन मुलांची समजूत घालण्यासाठी आणि त्यांना सत्य पटवून देण्यासाठीही पोलिसांना मोठी मेहनत घ्यावी लागली. या घटनेसंबंधी पोलिसांची अधिक चौकशी सुरू आहे.
इंदिरा डिंडीगूलच्या एका महिला पोलीस स्टेशनमध्ये हेड कॉन्स्टेबल म्हणून काम करत होती. 'सिंगल पॅरेन्ट' म्हणून इंदिरा आपल्या दोन्ही मुलांचा सांभाळ करत होती. तिला १३ वर्षांचा एक मुलगा आणि ९ वर्षांची एक मुलगी आहे. गेल्या अनेक दिवसांपासून इंदिराला मूत्रपिंडाशी संबंधित त्रास जाणवत होता.
आरोग्याशी संबंधित तक्रारी वाढल्यानं इंदरानं काही दिवसांपूर्वी स्वेच्छानिवृत्तीसाठी पोलीस विभागाकडे अर्जही सादर केला होता. तसंच काही दिवसांपासून ती पोलीस स्टेशनलाही येऊ शकली नव्हती. इंदिराचा संपर्क न झाल्यानं एका महिला कॉन्स्टेबलनं इंदिराचं घर गाठलं. तेव्हा अतिशय धक्कादायक प्रकार तिच्या निदर्शनास आला.
भोंदूबाबाच्या नादी लागून अल्पवयीन मुलांनी २० दिवस मृतदेह घरातच ठेवला
हा महिला पोलीस कॉन्स्टेबल इंदिराच्या घरी पोहचली तेव्हा तिला घरात दोन्ही अल्पवयीन मुलं आढळली. घरात अत्यंत दुर्गंध येत असल्याचंही तिच्या लक्षात आलं. इंदिराबद्दल तिनं मुलांकडे चौकशी केली असता, आई झोपली असून तिला झोपेतून उठवता येणार नाही अन्यथा परमात्मा तिला हानी पोहचवेल, अशी वाक्य मुलांच्या तोंडून ऐकून तिला धक्काच बसला.
यानंतर महिलेनं प्रसंगावधान राखत यासंबंधी आपल्या सहकाऱ्यांना याबद्दल सूचना दिली. त्यानंतर पोलिसांच्या अधिक चौकशीत इंदिराचा २० दिवसांपूर्वीच मृत्यू झाल्याचं पोलिसांच्या लक्षात आलं.
घरात इंदिराच्या मृतदेहाजवळ पूजेचं साहित्य पसरलेलं होतं. पोलिसांनी अधिक चौकशी केली तेव्हा इंदिरा ७ डिसेंबर रोजी घरातच बेशुद्ध पडल्याचं समोर आलं. परंतु, भोंदूबाबाच्या सांगण्यामुळे तिला रुग्णालयात दाखल करण्यात आलं नाही. यावेळी, इंदिराची बहीणदेखील तिच्यासोबत होती.
इंदाराला रुग्णालयात हलवण्यात आलं तर इंदिरा जिवंत मिळणार नाही, अशी भीती या भोंदूबाबा सुदर्शननं इंदिराच्या बहिणीला आणि अल्पवयीन मुलांना घातली. गेले २० दिवस त्यानंही याच घरात आपलं ठाण मांडलं होतं. इंदिराला पुन्हा जिवंत करणार असल्याचं त्यानं या मुलांना सांगितलं होतं.
पोलिसांनी भोंदूबाबा सुदर्शन तसंच इंदिराच्या बहिणीला चौकशीसाठी ताब्यात घेतलंय. दोन्हीही अल्पवयीन मुलांची समजूत घालण्यासाठी आणि त्यांना सत्य पटवून देण्यासाठीही पोलिसांना मोठी मेहनत घ्यावी लागली. या घटनेसंबंधी पोलिसांची अधिक चौकशी सुरू आहे.