मदुराई : तमिळनाडूच्या शिवगंगा जिल्ह्यामधील पल्लीसंथाई गावामध्ये झालेल्या उत्खननात मोठ्या प्रमाणावर प्राचीन अवशेष सापडले आहेत. भारतीय पुरातत्त्व सर्वेक्षण विभागातील (एएसआय) बेंगळुरू शाखेने उत्खनन केले असून, येथील किलाडी गावात उत्खननाच्या दुसऱ्या टप्प्यात सापडलेल्या नगरांचे अवशेष हे हडप्पा व मोहेंजोदडोइतके विस्तृत आहेत. या ठिकाणी अनेक सोयीसुविधांनी सज्ज असे नगर केंद्र असल्याचा निष्कर्ष संशोधकांनी काढला आहे.
वाईगई नदीपात्रात २०१३-१४ मध्ये केलेल्या सर्वेक्षणानंतर एएसआयच्या बेंगळुरू शाखेने किलाडी गावामध्ये अधिक उत्खनन करण्याचा निर्णय घेतला. त्यानुसार २०१५ मध्ये करण्यात आलेल्या उत्खननाच्या पहिल्या टप्प्यात विविध पुरातन वस्तू, लोखंडी उपकरणे व मातीची भांडी सापडली. यापैकी काही वस्तू या परदेशात बनवण्यात आल्या होत्या. येथील मातीच्या भांड्यांच्या अवशेषावरून ती इसवीसनपूर्व तिसऱ्या शतकातील असल्याचे व त्या काळी या भागात परदेशी व्यापार सुरू असल्याचे सिद्ध होते. दुसऱ्या टप्प्यामध्ये एएसआयने एकूण ५३ ठिकाणी उत्खनन केले. ऐंशी एकरच्या खासगी शेतजमिनीमध्ये सुमारे ३.५ किलोमीटरच्या परिघात हे उत्खनन करण्यात आले. त्यामध्ये एकामागोमाग एक मनुष्यवस्तीच्या खुणा सापडत असून, तमिळनाडूमध्ये प्रथमच अशा रचना आढळल्या आहेत. त्यावरून वाईगई नदीच्या किनारी मोठे नगर अस्तित्त्वात होते, हे स्पष्ट होते, असे या शाखेचे प्रमुख पुरातत्त्व संशोधक के. अमरनाथ रामकृष्ण यांनी सांगितले. सध्या सुरू असलेले हे संशोधन सप्टेंबर महिन्याअखेर करण्यात येणार आहे. संगम साहित्यामध्ये आढळणाऱ्या प्राचीन तमिळ जीवनपद्धतींविषयींच्या वर्णनाला या उत्खननामुळे आधार मिळणार आहे.
वाईगई नदीपात्रात २०१३-१४ मध्ये केलेल्या सर्वेक्षणानंतर एएसआयच्या बेंगळुरू शाखेने किलाडी गावामध्ये अधिक उत्खनन करण्याचा निर्णय घेतला. त्यानुसार २०१५ मध्ये करण्यात आलेल्या उत्खननाच्या पहिल्या टप्प्यात विविध पुरातन वस्तू, लोखंडी उपकरणे व मातीची भांडी सापडली. यापैकी काही वस्तू या परदेशात बनवण्यात आल्या होत्या. येथील मातीच्या भांड्यांच्या अवशेषावरून ती इसवीसनपूर्व तिसऱ्या शतकातील असल्याचे व त्या काळी या भागात परदेशी व्यापार सुरू असल्याचे सिद्ध होते. दुसऱ्या टप्प्यामध्ये एएसआयने एकूण ५३ ठिकाणी उत्खनन केले. ऐंशी एकरच्या खासगी शेतजमिनीमध्ये सुमारे ३.५ किलोमीटरच्या परिघात हे उत्खनन करण्यात आले. त्यामध्ये एकामागोमाग एक मनुष्यवस्तीच्या खुणा सापडत असून, तमिळनाडूमध्ये प्रथमच अशा रचना आढळल्या आहेत. त्यावरून वाईगई नदीच्या किनारी मोठे नगर अस्तित्त्वात होते, हे स्पष्ट होते, असे या शाखेचे प्रमुख पुरातत्त्व संशोधक के. अमरनाथ रामकृष्ण यांनी सांगितले. सध्या सुरू असलेले हे संशोधन सप्टेंबर महिन्याअखेर करण्यात येणार आहे. संगम साहित्यामध्ये आढळणाऱ्या प्राचीन तमिळ जीवनपद्धतींविषयींच्या वर्णनाला या उत्खननामुळे आधार मिळणार आहे.