दिसायला हँडसम नव्हता म्हणून पतीचा खून

मटा ऑनलाइन वृत्त । कुड्डालोर

तामिळनाडूच्या कुड्डालोरमध्ये एक विचित्र घटना घडली आहे. दिसायला हँडसम नव्हता म्हणून एका महिलेने तिच्या पतीला ठार केल्याची धक्कादायक पण काहीशी विचित्र घटना घडली आहे.

मंगळवारी ही घटना घडली. दोनच आठवड्यापूर्वी या दोघांचं लग्न झालं होतं. कुड्डालोर येथील घरी मंगळवारी या दोघांचं कडाक्याचं भांडण झालं आणि त्यामुळे तिनं पतीला जीवे मारल्याचं पोलिसांचं म्हणणं आहे. तुझा नवरा दिसायला सुंदर नाही. तो तुला शोभत नसल्याचं तिला तिच्या नातेवाईक आणि मित्रांनी सांगितलं होतं. त्यानंतर ती तिच्या पतीचा द्वेष करू लागली. त्याच्याशी भांडणे करू लागली. मंगळवारीही त्यांचं जोरदार कडाक्याचं भांडण झालं आणि या भांडणाचं पर्यावसान हत्येत झालं. पतीचा खून केल्यानंतर कुणी तरी नवऱ्याचा खून केल्याची आरडाओरड करतच ती घराबाहेर पडली. पण पोलीस तपासात तिनंच खून केल्याचं आढळून आल्यानंतर तिला अटक करण्यात आली. त्यानंतर तिला स्थानिक न्यायालयात हजर करण्यात आले असता तिला न्यायालयीन कोठडी सुनावण्यात आली आहे.