मुलीने नकार देताच त्याची सटकली, एकतर्फी प्रेमातून शिक्षकाचं धडकी भरवणारं कृत्य...

कोडरमा: झारखंडमध्ये एकतर्फी प्रेम एका मुलीसाठी जीवघेणे ठरले आहे. हे प्रकरण झारखंडच्या कोडरमा जिल्ह्यातील आहे, जिथे एका शिक्षकाने एका विद्यार्थिनीची एकतर्फी प्रेमातून हत्या केली, तीही सुपारी देऊन. कोडरमा पोलिसांनी डोमचांच पोलीस ठाण्याच्या हद्दीतील सोनी कुमारी उर्फ सोनाली कुमारी हिच्या हत्येचे गूढ उकलले आहे. या प्रकरणातील पाच आरोपींना पोलिसांनी अटक केली आहे. आरोपींना कठोर शिक्षा व्हावी यासाठी सर्वतोपरी प्रयत्न करणार असल्याचे डोमंच पोलीस स्टेशनचे प्रभारी अब्दुल्ला खान यांनी सांगितले.

ही घटना २१ मार्च रोजी घडली. सोनी कुमारी उर्फ सोनाली ही तिच्या घरातून एका शाळेत शिकवण्यासाठी गेली होती. त्यानंतर ती घरी परतलीच नाही. त्यानंतर बराच शोध घेतल्यानंतर दुसऱ्या दिवशी मुलगी बेपत्ता झाल्याची तक्रार नातेवाईकांनी डोमंच पोलीस ठाण्यात दाखल केली. याची माहिती मिळताच कोडरमा पोलिसांनी तिचा शोध सुरू केला आणि संशयाच्या आधारे सुमो वाहन (जेएच ११ एम ४७९३) ताब्यात घेऊन वाहन मालक रोहित मेहता याला ताब्यात घेतले.

Video: रेल्वे पकडताना तोल जाऊन पडली, आईला पाहून लेकीची धावत्या गाडीतून उडी; थरारक प्रसंगचौकशीदरम्यान ताब्यात घेतलेला आरोपी रोहित मेहता याच्याकडून मिळालेल्या माहितीच्या आधारे या प्रकरणातील आणखी एक आरोपी दीपक साओ यालाही ताब्यात घेण्यात आले आहे. पोलिसांनी या प्रकरणाचा तपास केला आणि ताब्यात घेतलेल्या दोन्ही आरोपींची कसून चौकशी केली. तेव्हा या संशयित आरोपींनी पोलिसांना सांगितले की, बेपत्ता सोनी कुमारीची हत्या केल्यानंतर मृतदेह लपवण्याच्या उद्देशाने त्यांनी मृतदेहाला दगड बांधून डोमचांच पोलीस स्टेशन हद्दीतील पाण्यात टाकला.


२६ आणि २७ मार्च रोजी पोलिसांनी खाणीतील पाण्यात पोत्यात असलेला मृतदेह बाहेर काढला. मृतदेह ताब्यात घेतल्यानंतर या प्रकरणामागील मुख्य कारण जाणून घेण्यासाठी पोलिसांनी पुन्हा एकदा ताब्यात घेतलेल्या आरोपींची चौकशी केली. कोडरमा एसडीपीओ प्रवीण पुष्कर यांनी यांगितलं की, ताब्यात घेतलेल्या दोन आरोपींपैकी एक संपूर्ण प्रकरणातील मुख्य आरोपी आहे, ज्याचे नाव दीपक साव आहे.

तो पूर्वी सोनी कुमारी उर्फ सोनाली कुमारीला ट्युशन शिकवायचा आणि ट्युशन शिकवत असताना तो सोनी कुमारीवर एकतर्फी प्रेम करु लागला. दीपकने सोनीकडे अनेकवेळा आपले प्रेम व्यक्त केले. मात्र, सोनीने प्रत्येक वेळी ते नाकारले. त्यानंतर या शिक्षकाने सोनी कुमारीला धडा शिकवण्याचा निर्धार केला आणि हा कट रचला.