वृत्तसंस्था, नवी दिल्ली
सीमा सुरक्षा दलाचा बडतर्फ जवान तेजबहादूर यादव याची याचिका सर्वोच्च न्यायालयाने गुरुवारी फेटाळली. यादवचा वाराणसी लोकसभा मतदारसंघातून भरलेला उमेदवारी अर्ज निवडणूक आयोगाने रद्द केला होता. त्या विरोधात त्याने न्यायालयाकडे दाद मागितली होती. पंतप्रधान नरेंद्र मोदी यांच्याविरोधात निवडणूक लढवत असल्याने तो चर्चेत आला होता.
सरन्यायाधीश रंजन गोगोई म्हणाले, 'यादवची याचिका दाखल करून घेण्याचा कोणताही योग्य मुद्दा त्यात नव्हता.' आयोगाची बाजू मांडताना ज्येष्ठ वकील राकेश द्विवेदी म्हणाले, की निवडणुकीबाबतच्या याचिका निवडणुकीनंतरच दाखल करण्याबाबत विविध न्यायालयांनी यापूर्वी अनेकदा आदेश दिले आहेत. मध्येच येणाऱ्या याचिकांमुळे निवडणूक प्रक्रिया रखडण्याची शक्यता असल्यानेच तसे आदेश दिले गेल्याचे त्यांनी याप्रसंगी लक्षात आणून दिले. मात्र, यादवच्या वतीने बाजू मांडताना अॅड. प्रशांत भूषण यांनी सर्वोच्च न्यायालयाने अलीकडच्या काळात आचारसंहिता भंगाबाबतच्या काही याचिका दाखल करून घेतल्याचा दावा केला.
सीमा सुरक्षा दलाचा बडतर्फ जवान तेजबहादूर यादव याची याचिका सर्वोच्च न्यायालयाने गुरुवारी फेटाळली. यादवचा वाराणसी लोकसभा मतदारसंघातून भरलेला उमेदवारी अर्ज निवडणूक आयोगाने रद्द केला होता. त्या विरोधात त्याने न्यायालयाकडे दाद मागितली होती. पंतप्रधान नरेंद्र मोदी यांच्याविरोधात निवडणूक लढवत असल्याने तो चर्चेत आला होता.
सरन्यायाधीश रंजन गोगोई म्हणाले, 'यादवची याचिका दाखल करून घेण्याचा कोणताही योग्य मुद्दा त्यात नव्हता.' आयोगाची बाजू मांडताना ज्येष्ठ वकील राकेश द्विवेदी म्हणाले, की निवडणुकीबाबतच्या याचिका निवडणुकीनंतरच दाखल करण्याबाबत विविध न्यायालयांनी यापूर्वी अनेकदा आदेश दिले आहेत. मध्येच येणाऱ्या याचिकांमुळे निवडणूक प्रक्रिया रखडण्याची शक्यता असल्यानेच तसे आदेश दिले गेल्याचे त्यांनी याप्रसंगी लक्षात आणून दिले. मात्र, यादवच्या वतीने बाजू मांडताना अॅड. प्रशांत भूषण यांनी सर्वोच्च न्यायालयाने अलीकडच्या काळात आचारसंहिता भंगाबाबतच्या काही याचिका दाखल करून घेतल्याचा दावा केला.