kcr tested positive : तेलंगणचे मुख्यमंत्री केसीआर यांना करोनाचा संसर्ग, होम आयसोलेशनमध्ये

हैदराबादः करोनाचा प्रादुर्भाव मोठ्या वेगाने होत आहे. माजी पंतप्रधान मनमोहनसिंग हे आज करोना पॉझिटिव्ह आढळून आले आहेत. आता तेलंगणचे मुख्यमंत्री के. चंद्रशेखर राव ( k chandrashekar rao ) यांनाही करोनाचा संसर्ग झाला आहे, एएनआयने हे वृत्त दिलं आहे.

तेलंगणचे मुख्यमंत्री के. चंद्रशेखर राव यांना हे करोना पॉझिटिव्ह आढळून आले. त्यांच्या करोनाची सौम्य लक्षण दिसून आली. त्यांना डॉक्टरांनी आयसोलेशनमध्ये राहण्याचा सल्ला दिला आहे. ते सध्या होम आयसोलेशनमध्ये आहेत. डॉक्टरांचं एक पथक त्यांच्या प्रकृतीवर लक्ष ठेवून आहे, माहिती मुख्य सचिवांनी दिली आहे.

अलिकडेच कर्नाटकचे मुख्यमंत्री बी.एस. येडियुरप्पा हे दुसऱ्यांदा करोना पॉझिटिव्ह आढळून आले. गेल्या शुक्रवारी त्यांचा टेस्ट रिपोर्ट पॉझिटिव्ह आला. येडियुरप्पा यांना आठ महिन्यांत दुसऱ्यांदा करोनाचा संसर्ग झाला आहे. ७८ वर्षांचे येडियुरप्पा यांना गेल्यावर्षी २ ऑगस्टला करोनाचा संसर्ग झाला होता. आता त्यांच्या प्रकृतीवर डॉक्टरांचं एक पथक लक्ष ठेवून आहे. त्यांची प्रकृती स्थिर असल्याचं सांगण्यात येतंय.

vaccination : करोना; १८ वर्षांवरील सर्वांचे लसीकरण होणार, केंद्र सरकारचा मोठा निर्णय

केंद्रीय मंत्री प्रकाश जावडेकरही अलिकडेच करोना पॉझिटिव्ह आढळून आले आहेत. त्यांनी स्वतः याची माहिती दिली. आपल्या संपर्कात येणाऱ्यांना त्यांना टेस्ट करण्याचं आवाहन केलं. राष्ट्रीय स्वयंसेवक संघाचे संचालक मोहन भागवतही काही दिवसांपूर्वी करोना पॉझिटिव्ह आढळून आले होते. त्यांना डिस्चार्ज देण्यात आला आहे.

manmohan singh : माजी पंतप्रधान मनमोहनसिंग करोना पॉझिटिव्ह, एम्समध्ये दाखल

गेल्या आठवड्यात काँग्रेस नेते रणदीप सुरजेवाला आणि दिग्विजय सिंह यांनाही करोनाचा संसर्ग झाला आहे. हरयाणाचे माजी मुख्यमंत्री आणि काँग्रेसचे वरिष्ठ नेते भूपेंद्र सिंह हुड्डा यांच्यासह पत्नीलाही करोनाचा संसर्ग झाला आहे. त्यांना मेदांता हॉस्पिटलमध्ये दाखल करण्यात आलं आहे.