तेलंगणा सरकारकडून धोब्यांना वॉशिंग मशीन

टाइम्स न्यूज नेटवर्क । हैदराबाद

कपडे धुण्यासाठी धोबीघाटावर अजूनही पारंपारिक पद्धतीचा वापर केला जातो. काही ठिकाणच्या धोबीघाटांचा पुर्नविकासाची चर्चा सुरू असतानाच धोब्यांचा त्रास कमी करण्यासाठी वॉशिंग मशीन देण्याचा निर्णय तेलंगणा सरकारने घेतला आहे.

तेलंगणा राज्याचे समाजकल्याण मंत्री जोगू रामण्णा यांनी याबाबत एक अभ्यास अहवाल बनवण्याचे निर्देश अधिकाऱ्यांना दिले आहेत. तेलंगणा सरकारचे अधिकारी लवकरच कर्नाटक येथील मशीनद्वारे होणाऱ्या कपडे धुलाई केंद्राला भेट देणार आहे. मशीनद्वारे होणाऱ्या कपडे धुलाई केंद्राचा फायदा धोबी समुदायाला होणार असल्याचे जोगू रामण्णा यांनी सांगितले. या कपडे धुलाई केंद्रात शासकीय रुग्णालय, प्राथमिक आरोग्य केंद्रातील चादरी, रुग्णांचे कपडे धुतले जाणार आहेत. पहिल्या टप्यात ओस्मानिया रुग्णालय आणि गांधी रुग्णालयातील चादरी धुतले जाणार असल्याचे एका अधिकाऱ्याने सांगितले. कपडे धुलाई केंद्रामुळे एकाच ठिकाणी आधुनिक पद्धतीने अधिक चांगल्या प्रकारे कपडे धुतले जाणार आहे. धुलाई केंद्रामुळे धोब्यांचा शाररीक त्रास कमी होणार असल्याचे अधिकाऱ्याने स्पष्ट केले. सरकारच्या या निर्णयामुळे जवळपास एक लाख कुटुंबांना फायदा होणार आहे. या वॉशिंग मशीनची क्षमता घरगुती वॉशिंग मशीनपेक्षा अधिक असून या मशिनची किंमत १० ते ३० लाख रुपयांपर्यंत असल्याचे अधिकाऱ्याने सांगितले.