काश्मीर: चकमकीत जिवंत पकडला दहशतवादी

मटा ऑनलाइन वृत्त । श्रीनगर

जम्मू-काश्मीरमधील शोपियान जिल्ह्यात दहशतवाद्यांसोबत झालेल्या चकमकीत सुरक्षा दलाच्या जवानांना मोठं यश मिळाले. रात्रभर सुरू असलेल्या चकमकीत जवानांनी एक दहशतवाद्याला ठार केले असून एकाला शस्त्रासह अटक केली आहे.

शनिवारी रात्री, शोपियानमधील इमाम परिसरातील एका घरात दहशतवादी लपले असल्याची माहिती मिळाली होती. त्यानंतर परिसराला सुरक्षा दलाच्या जवानांनी घेरल्यानंतर एका घरातून अचानक गोळीबार सुरू झाला. प्रत्युत्तरात जवानांनी गोळीबार केला. चकमकीत घेरल्यानंतर एका दहशतवाद्याने आत्मसमर्पण करण्याची इच्छा व्यक्त केली. त्याने शरणागती पत्करल्यास ठार करणार नसल्याचे सांगितले. त्यानंतर दहशतवाद्याने पोलिसांसमोर शरणागती पत्करली. चकमकीच्या ठिकाणाहून एका दहशतवाद्याचा मृतदेह ताब्यात घेण्यात आला असून तारीक अहमद असे त्याचे नाव आहे. तर, पोलिसांनी अटक केलेल्या दहशतवाद्याचे नाव आदिल असे असून तो अनेक दहशतवादी कारवायांमध्ये सामिल होता. आदिल शोपियांन जिल्ह्यातील चिटीपोरामध्ये राहणारा आहे. अटक करण्यात आल्यानंतर चौकशीसाठी दूर नेण्यात आले आहे. जम्मू-काश्मीरचे पोलीस महासंचालक एस.पी. वैद्य यांनीही शरणागती पत्करणाऱ्यांबद्दल सहानुभूतीने विचार करणार असल्याचे सांगितले.


Jammu and Kashmir: Terrorist killed in Shopian encounter identified as Tariq Ah Bhat of Hizbul Mujahideen (File picture) pic.twitter.com/O1xmFtGkQF — ANI (@ANI) September 10, 2017