श्रीनगर: काश्मीर खोऱ्यात जनजीवन सामान्य करण्याचे सर्वतोपरी प्रयत्न प्रशासनाकडून केले जात आहेत. मात्र, खोऱ्यात दहशतवाद्यांकडून भीतीचे, दहशतीचे वातावरण निर्माण केले जात आहे. रात्रीच्या वेळी खोऱ्यातील दुकानांना टाळे ठोकून, शटरला चिकटपट्टी लावून, भीती निर्माण करणारी-इशारा देणारी भित्तीपत्रके चिकटवून व्यावसायिक आणि दुकानांच्या मालकांमध्ये दहशत निर्माण केली जात आहे. स्थानिक बाजारपेठा बंदच राहाव्यात, जनजीवन विस्कळीत रहावे यासाठी दहशतवादी टोकाची पाऊले उचलत आहेत, अशी माहिती वरिष्ठ पोलिस अधिकाऱ्यांनी दिली.
जम्मू-काश्मीर पोलिसांनी याबाबत कोणतीही अधिकृत माहिती दिली नसली तरीही एका वरिष्ठ पोलिस अधिकाऱ्याने नाव न सांगण्याच्या अटीवर काश्मीरमधील सद्यस्थिती वर्णन केली. 'खोऱ्यात परिस्थिती नियंत्रणाबाहेर जाऊ शकते. बाजारपेठांमधील दुकाने, मशिदींच्या दरवाजांवर 'बंद पाळा' म्हणून हाताने लिहिलेली किंवा छापील पत्रके चिकटवली जात आहेत. विविध दहशतवादी गटांकडून जाणीवपूर्वक भीतीचे, दहशतीचे वातावरण निर्माण केले जात आहे. दहशतवादी गट दुकाने बंद ठेवण्यास आणि सरकारी आणि खासगी कर्मचाऱ्यांना कामावर जाऊ नका, असे सांगत आहेत. कुलगाम जिल्ह्यात हिज्बुल मुजीहिदीन या दहशतवादी संघटनेने बंद पाळा, असे संदेश देणारी पत्रके, दुकानांवर लावल्याचे समोर आले आहे. अशाच घटना गंदरबाल, श्रीनगर जिल्ह्यात दररोज घडत आहेत,' असेही संबंधित अधिकारी म्हणाला.
पाकिस्तानकडून गोळीबार
जम्मू : पाकिस्तानच्या रेंजर्संनी बुधवारी सांबा आणि कठुआ विभागात आंतरराष्ट्रीय सीमेवर गोळीबार केला. रेंजर्संनी सांबा सेक्टरमधील हिरानगर भागात सकाळी नऊ ते अकरा वाजण्याच्या दरम्यान लहान शस्त्रांनी गोळीबार केला. सीमा सुरक्षा दलाने पाकिस्तानच्या गोळीबाराला जोरदार प्रत्त्युतर दिले. या चकमकीत कोणतीही जीवित अथवा वित्तहानी झालेली नाही. सांबा सेक्टरमध्ये पाकिस्तानने सलग दुसऱ्या दिवशी शस्त्रसंधीचे उल्लघन करून गोळीबार केला आहे.
मादक पदार्थांचा साठा जप्त
जम्मू : जम्मू-काश्मीर पोलिसांनी मंगळवारी रात्री विविध ठिकाणी छापे टाकून १३ किलो अफू आणि मादक पदार्थाच्या एक हजार गोळ्या जप्त केल्या आहेत, अशी माहिती पोलिसांनी दिली आहे. पोलिसांना ठोस गोपनीय माहिती मिळाल्यानंतर मंगळवारी रात्री जम्मूच्या इज्जरकोटली भागात छापे टाकून हा मुद्देमाल जप्त केला. या प्रकरणी पाच जणांना अटक झाली आहे.
जम्मू-काश्मीर पोलिसांनी याबाबत कोणतीही अधिकृत माहिती दिली नसली तरीही एका वरिष्ठ पोलिस अधिकाऱ्याने नाव न सांगण्याच्या अटीवर काश्मीरमधील सद्यस्थिती वर्णन केली. 'खोऱ्यात परिस्थिती नियंत्रणाबाहेर जाऊ शकते. बाजारपेठांमधील दुकाने, मशिदींच्या दरवाजांवर 'बंद पाळा' म्हणून हाताने लिहिलेली किंवा छापील पत्रके चिकटवली जात आहेत. विविध दहशतवादी गटांकडून जाणीवपूर्वक भीतीचे, दहशतीचे वातावरण निर्माण केले जात आहे. दहशतवादी गट दुकाने बंद ठेवण्यास आणि सरकारी आणि खासगी कर्मचाऱ्यांना कामावर जाऊ नका, असे सांगत आहेत. कुलगाम जिल्ह्यात हिज्बुल मुजीहिदीन या दहशतवादी संघटनेने बंद पाळा, असे संदेश देणारी पत्रके, दुकानांवर लावल्याचे समोर आले आहे. अशाच घटना गंदरबाल, श्रीनगर जिल्ह्यात दररोज घडत आहेत,' असेही संबंधित अधिकारी म्हणाला.
पाकिस्तानकडून गोळीबार
जम्मू : पाकिस्तानच्या रेंजर्संनी बुधवारी सांबा आणि कठुआ विभागात आंतरराष्ट्रीय सीमेवर गोळीबार केला. रेंजर्संनी सांबा सेक्टरमधील हिरानगर भागात सकाळी नऊ ते अकरा वाजण्याच्या दरम्यान लहान शस्त्रांनी गोळीबार केला. सीमा सुरक्षा दलाने पाकिस्तानच्या गोळीबाराला जोरदार प्रत्त्युतर दिले. या चकमकीत कोणतीही जीवित अथवा वित्तहानी झालेली नाही. सांबा सेक्टरमध्ये पाकिस्तानने सलग दुसऱ्या दिवशी शस्त्रसंधीचे उल्लघन करून गोळीबार केला आहे.
मादक पदार्थांचा साठा जप्त
जम्मू : जम्मू-काश्मीर पोलिसांनी मंगळवारी रात्री विविध ठिकाणी छापे टाकून १३ किलो अफू आणि मादक पदार्थाच्या एक हजार गोळ्या जप्त केल्या आहेत, अशी माहिती पोलिसांनी दिली आहे. पोलिसांना ठोस गोपनीय माहिती मिळाल्यानंतर मंगळवारी रात्री जम्मूच्या इज्जरकोटली भागात छापे टाकून हा मुद्देमाल जप्त केला. या प्रकरणी पाच जणांना अटक झाली आहे.