उत्तर प्रदेशच्या उपमुख्यमंत्र्यांची टीकावृत्तसंस्था, लखनऊ'काँग्रेसच्या सरचिटणीस प्रियांका गांधी-वड्रा या महत्त्वाच्या राष्ट्रीय नेत्या असल्यासारखे समाज माध्यमांवर भासवले जाते, मात्र त्यांना २०१९च्या लोकसभा निवडणुकीत आपल्या भावालाही विजय मिळवून देता आला नाही. आम्ही त्यांचे नामकरण प्रियांका ट्विटर वड्रा असे केले आहे,' या शब्दांत उत्तर प्रदेशचे उपमुख्यमंत्री केशव प्रसाद मौर्या यांनी प्रियांका यांना आपण गांभीर्याने घेत नसल्याचे मत व्यक्त केले.प्रियांका यांचे भाऊ आणि काँग्रेसचे तत्कालीन अध्यक्ष राहुल गांधी यांचा भाजप नेत्या स्मृती इराणी यांनी गांधी घराण्याचा बालेकिल्ला असलेल्या अमेठीमधून पराभव केला होता. सध्या करोनामुळे लागू केलेल्या लॉकडाउनमुळे उत्तर प्रदेशात परतत असलेल्या श्रमिकांच्या समस्यांना प्रियांका या सातत्याने वाचा फोडत आहेत. श्रमिकांना मूळ गावी पोहचवण्यासाठी त्यांनी एक हजार बसगाड्या सोडण्याची तयारी दर्शवल्याच्या मुद्द्यावरूनही काँग्रेस आणि उत्तर प्रदेशातील भाजप सरकारमध्यत्काही दिवसांपूर्वीच शाब्दिक खडाजंगी उडाली होती.
त्या तर 'प्रियांका ट्विटर वड्रा'
उत्तर प्रदेशच्या उपमुख्यमंत्र्यांची टीकावृत्तसंस्था, लखनऊ'काँग्रेसच्या सरचिटणीस प्रियांका गांधी-वड्रा या महत्त्वाच्या राष्ट्रीय नेत्या ...
महाराष्ट्र टाइम्स.कॉम 7 Jun 2020, 4:00 am