श्रीनगर : जम्मू-काश्मिरातील कुलगाम जिल्ह्यात दहशतवादी हल्ल्यात मंगळवारी जबर जखमी झालेल्या आणखी एका कामगाराचा बुधवारी उपचारादरम्यान मृत्यू झाला. त्यामुळे या हल्ल्यातील मृतांचा आकडा सहावर गेला आहे. हे सर्व कामगार पश्चिम बंगालमधील मुर्शिदाबादचे मूळ रहिवासी आहेत. कुलगाम जिल्ह्यात दहशतवाद्यांनी मंगळवारी या कामगारांवर बेछूट गोळीबार केला होता. त्यामध्ये पाच कामगारांचा मृत्यू झाला होता, तर अन्य एक जण जबर जखमी झाला होता. त्याची मृत्यूशी सुरू असेलली झुंज बुधवारी संपली. काश्मिरातून कलम ३७० हटवण्यात आल्याच्या पार्श्वभूमीवर परिस्थितीचा आढावा घेण्यासाठी युरोपियन युनियनच्या खासदारांचे शिष्टमंडळ काश्मीरच्या दौऱ्यावर आलेले असतानाच हा हल्ला झाला होता.
मृतांचा आकडा सहावर
जम्मू-काश्मिरातील कुलगाम जिल्ह्यात दहशतवादी हल्ल्यात मंगळवारी जबर जखमी झालेल्या आणखी एका कामगाराचा बुधवारी उपचारादरम्यान मृत्यू झाला...
महाराष्ट्र टाइम्स.कॉम 31 Oct 2019, 4:00 am