doctor's strike: २ एप्रिलपासून संप

नवी दिल्ली: नॅशनल मेडिकल कमिशन विधेयकाला विरोध म्हणून देशभरातील डॉक्टर येत्या २ एप्रिल रोजी बेमुदत संपावर जाणार आहेत. या संपात देशभरातील एकूण २५ हजार डॉक्टर सहभागी होणार असून इंडियन मेडिकल असोसिएशनने या संपाला पाठिंबा दिला आहे.

नॅशनल मेडिकल कमिशन विधेयकाला विरोध म्हणून २५ मार्च रोजी दिल्लीत डॉक्टरांनी महापंचायतीचं आयोजन केलं होतं. या महापंचायतीत देशभरातील २५ हजार डॉक्टरांनी भाग घेतला होता. त्यात ज्युनिअर डॉक्टरांसह वैद्यकीय शिक्षण घेणाऱ्या शिकाऊ डॉक्टरांचाही समावेश होता. हे विधेयक गरिबांच्या विरोधात असून विधेयकातील काही मुद्द्यांमुळे वैद्यकीय व्यवसायात भ्रष्टाचार वाढेल. शिवाय सरकारच्या चुकीच्या धोरणामुळे डॉक्टरांचं नुकसान होणार असल्याने हे विधेयक मागे घ्यावे म्हणून हा संप पुकारण्यात येत असल्याची भूमिका महापंचायतीने मांडली. शिवाय डॉक्टरांसाठी अनेक परीक्षा घेण्याऐवजी एकच परीक्षा असावी, अशी मागणीही यावेळी करण्यात आली आहे. या संपाला इंडियन मेडिकल असोसिएशने पाठिंबा दिल्याने डॉक्टरांना बळ मिळालं आहे.