‘हा धोरणांविरोधातील जनादेश नाही’

वृत्तसंस्था, लखनऊ

उत्तर प्रदेशमधील गोरखपूर आणि फूलपूर येथील लोकसभेच्या पोटनिवडणुकीतील अपयश हे भाजपच्या धोरणांविरोधात जनादेश नसल्याचे प्रतिपादन मुख्यमंत्री योगी आदित्यनाथ यांनी रविवारी केले. या निकालातून पक्षाने धडा घेतला असून, आगामी निवडणुकांत व प्रामुख्याने २०१९च्या लोकसभा निवडणुकीत चांगली कामगिरी करू, असे ते म्हणाले. भाजप उमेदवारांचा अतिआत्मविश्वास आणि आत्मसंतुष्टता पोटनिवडणुकीतील अपयशला कारणीभूत आहे. यश त्यांच्या ताटात पडेल अशी अपेक्षा ठेवल्याने त्यांनी फार कष्ट केले नाहीत, असे आदित्यानाथ म्हणाले.