शाहजहानपूर : येथील एका स्थानिक शाळेत रुबेला लस दिल्यानंतर तीस मुलांना डोकेदुखी आणि चक्कर आल्याचा प्रकार गुरुवारी घडला. सर्व मुले बारा वर्षांखालील असून एकाची प्रकृती गंभीर आहे. कोतवाली पोलिस स्थानक क्षेत्रातील सरस्वती शिशुमंदिर शाळेत हा प्रकार घडला. मुख्य वैद्यकीय अधिकारी डॉ. आर. पी. रावत यांनी ही माहिती दिली. मुख्यमंत्री कार्यालयाने दिलेल्या माहितीनुसार मुलांना तातडीने जिल्हा रुग्णालयात नेण्यात आले. काहींना प्राथमिक उपचारांनंतर सोडण्यात आले. एकाची प्रकृती गंभीर आहे. जिल्हा दंडाधिकारी अमरित त्रिपाठी यांनी चौकशीचे आदेश दिले आहेत.
लसीकरणानंतर तीस मुलांना त्रास
येथील एका स्थानिक शाळेत रुबेला लस दिल्यानंतर तीस मुलांना डोकेदुखी आणि चक्कर आल्याचा प्रकार गुरुवारी घडला...
Maharashtra Times 7 Dec 2018, 4:00 am