तीन दहशतवाद्यांना कंठस्नान

वृत्तसंस्था, श्रीनगर

जैश-ए-मोहम्मद या दहशतवादी संघटनेच्या तीन दहशतवाद्यांना सुरक्षादलांनी शनिवारी कंठस्नान घातले. पुलवामा जिल्ह्यातील त्राल येथील जंगलात सकाळपासून ही चकमक सुरू होती. यातील दोन दहशतवादी सकाळी ठार झाले. त्यांचा आणखी एक सहकारी तेथे लपून बसला होता. मात्र दुपारनंतर त्यालाही ठार मारण्यात आले, अशी माहिती एका वरिष्ठ पोलिस अधिकाऱ्याने दिली. ही कारवाई म्हणजे या संघटनेसाठी मोठा झटका असल्याचे हा अधिकारी म्हणाला. ही कारवाई सुरू असताना स्थानिकांनी सुरक्षारक्षकांवर दगडफेक केली. दरम्यान, राजौरी क्षेत्रातील नियंत्रण रेषेवर पाकिस्तानी सैन्याने केलेल्या गोळीबारात भारतीय लष्कराचा एक जवान हुतात्मा झाला.