आचारसंहितेचं उल्लंघन, मोदींविरोधात टीएमसीची तक्रार

नवी दिल्ली:

निवडणूक प्रचार संपल्यानंतरही पंतप्रधान नरेंद्र मोदी यांच्या केदारनाथ दौऱ्याचं टीव्हीवर प्रक्षेपण होत असून हे आचारसंहितेचं उल्लंघन असल्याचं सांगत तृणमूल काँग्रेसने मोदींविरोधात निवडणूक आयोगाकडे तक्रार केली आहे. तृणमूलने आयोगाला चिठ्ठी लिहून मोदींवर कारवाई करण्याची मागणीही केली आहे.

लोकसभा निवडणुकीच्या शेवटच्या टप्प्यातील प्रचार संपलेला आहे. पंतप्रधान नरेंद्र मोदी केदारनाथ यात्रेला गेले आहेत आणि गेल्या दोन दिवसांपासून या दौऱ्याला मीडियामधून प्रचंड प्रसिद्धी दिली जात आहे. शिवाय प्रचारबंद असताना मोदींनी मीडियाशी संवादही साधला आहे. तसेच केदारनाथच्या विकासाच्या मास्टर प्लानचीही घोषणा केली आहे. हे आचारसंहितेचं मोठं उल्लंघन आहे, त्यामुळे यावर तातडीने कारवाई करण्यात यावी, अशी मागणी तृणमूलने या चिठ्ठीतून केली आहे. दरम्यान, मोदी यांनी केदारनाथमध्ये १८ तास ध्यानधारणा केल्यानंतर ते ब्रदीनाथलाही पोहोचले आहेत.