लखनौ : उत्तर प्रदेशातील फुलपूर आणि गोरखपूर लोकसभा मतदारसंघात आज, रविवारी पोटनिवडणूक होत आहे. मुख्यमंत्री योगी आदित्यनाथ यांच्या राजीनाम्याने गोरखपूरची जागा रिक्त झाली असून, उपमुख्यमंत्री केशव प्रसाद मौर्य यांच्या राजीनाम्याने फुलपूरची जागा रिक्त झाली होती. या दोन्ही ठिकाणी आज मतदान होत आहे. गोरखपूर आणि फुलपूरमध्ये बहुजन समाज पक्षाने समाजवादी पक्षाच्या उमेदवाराला पाठिंबा दिला असून, काँग्रेस स्वबळावर लढत आहे. या निवडणुकीसाठी कडेकोट बंदोबस्त ठेवण्यात आला असून, निमलष्करी दलाचे साडेसहा हजार जवान तैनात करण्यात आले आहेत. गोरखपूरमध्ये १०, तर फुलपूरमध्ये २२ उमेदवार रिंगणात आहेत. या निवडणुकीची मतमोजणी १४ रोजी होणार आहे.
फुलपूर आणि गोरखपूरमध्ये आज पोटनिवडणूक
उत्तर प्रदेशातील फुलपूर आणि गोरखपूर लोकसभा मतदारसंघात आज, रविवारी पोटनिवडणूक होत आहे...
Maharashtra Times 11 Mar 2018, 6:22 am