शेतकऱ्यांनी दिल्ली पोलिसांना 'ट्रॅक्टर रॅली'साठी मागितली लिखित परवानगी

नवी दिल्ली : कृषी कायद्यांविरोधातील शेतकरी आंदोलन आज ६० व्या दिवशीही सुरूच आहे. याच दरम्यान शेतकऱ्यांनी २६ जानेवारी रोजी 'प्रजासत्ताक दिना'ला ट्रॅक्टर रॅली काढून आपला निषेध नोंदवण्याचा निर्धार व्यक्त केला आहे. यासाठी शेतकरी संघटनांकडून तीन सीमांची निश्चिती करण्यात आली आहे. या ट्रॅक्टर रॅलीसाठी शेतकऱ्यांनी दिल्ली पोलिसांना लिखित परवानगीदेखील मागितली आहे. दरम्यान, शेतकऱ्यांच्या ट्रॅक्टर रॅली संदर्भात पोलीस आयुक्त (स्पेशल सेल) आज सायंकाळी ४.०० वाजता एक पत्रकार परिषद घेणार आहेत.

दिलासा! करोना लसीकरण मोहिमेदरम्यान संक्रमणाचा वेगही मंदावला
शनिवारी रात्री दिल्ली पोलिसांना शेतकरी संघटनांना रॅलीसाठी परवानगी मागणारं एक पत्रं मिळालं आहे.


नेताजींची नेहरु-गांधींशी तुलना करत भाजप खासदाराचं वादग्रस्त वक्तव्य
दिल्ली पोलिसांकडून मिळो अथवा न मिळो, परंतु, राजधानी दिल्लीच्या आउटर रिंग रोडवर आम्ही रॅली काढणार, असा निर्धार शेतकऱ्यांनी व्यक्त केलाय. शेतकरी नेते आणि पोलीस अधिकारी यांच्या बैठकीत ट्रॅक्टर रॅलीसाठी ज्या मार्गांवर चर्चा करण्यात आली आहे, त्याचा उल्लेखही या पत्रात करण्यात आला आहे.

'ममतांसमोर जय श्रीरामच्या घोषणा म्हणजे वळूला लाल कपडा दाखवणं'
या तीन मार्गांचा वापर

सिंघु सीमा : सिंघु सीमेवरून निघालेली ट्रॅक्टर रॅली संजय गांधी ट्रान्सपोर्ट, कंझावला, बवाा, औचंदी सीमेवरून हरियाणासाठी रवाना होईल

टिकरी सीमा : टिकरी सीमेवरून निघालेली ट्रॅक्टर रॅली नागलोई, नजफगढ, ढांसा, बादली या मार्गावरून केएमपीला रवाना होईल

गाझीपूर - उत्तर प्रदेश सीमा : गाझीपूर उत्तर प्रदेश सीमेवरून सुरू झालेली ट्रॅक्टर रॅली अप्सरा सीमा गाझियाबाद वरून दुहाई, उत्तर प्रदेशला निघून जाईल.

शेतकरी नेत्यांच्या हत्येचा कट?; आता पोलिसांनी दिली 'ही' मोठी माहिती
शेतकरी संघटना आणि एनसी आर पोलीस यांची शनिवारी सायंकाळी एक बैठक पार पडली होती. बैठकीनंतर शेतकऱ्यांच्या ट्रॅक्टर रॅली काढण्यासाठी दिल्ली पोलिसांनी कोणतीही हरकत घेतली नसल्याचा दावा एका शेतकरी नेत्यानं केला होता. अद्याप पोलिसांकडून अधिकृतरित्या या ट्रॅक्टर रॅलीसाठी परवानगी देण्यात आलेली नाही.