नवी दिल्ली : दिल्ली विधानसभेच्या निवडणुकीत तृणमूल काँग्रेसने आम आदमी पक्षाला पाठिंबा जाहीर केला आहे. तृणमूलने यापूर्वी दिल्लीचे मुख्यमंत्री अरविंद केजरीवाल यांना पाठिंबा जाहीर केला होता. मात्र, आता फक्त केजरीवाल नव्हे, तर आम आदमी पार्टीच्या सर्व उमेदवारांना पाठिंबा देण्याचा निर्णय घेतल्याचे पक्षाचे प्रवक्ते डेरेक ओब्रायन यांनी एक व्हिडीओद्वारे जाहीर केले.
'पश्चिम बंगालमध्ये तृणमूलची दैनावस्था आहे. यंदाच्या विधानसभा निवडणुकीत त्यांचा पराभव निश्चित आहे. त्यातच दिल्लीत पक्षाचे काहीही अस्तित्व नसताना 'आप'ला पाठिंबा देणे या पेक्षा मोठा विनोद कोणता,' या शब्दांत भाजप नेते कैलाश विजयवर्गीय यांनी तृणमूलच्या या निर्णयावर टीका केली आहे.