चेन्नई :
तामिळनाडूच्या माजी मुख्यमंत्री जयललिता यांचा अपोलो रुग्णालयातील शेवटच्या काळातील व्हिडिओ प्रसिद्ध झाल्याने खळबळ उडाली आहे. आर. के. नगरमधील पोटनिवडणुकीच्या एक दिवसाआधीच टीटीव्ही दिनाकरन यांनी हा व्हिडिओ जारी करून खळबळ उडवून दिली आहे. त्यामुळे तामिळनाडूच्या राजकारणात पुन्हा एकदा टि्वस्ट आलं आहे.
दिनाकरन यांनी एक पत्रकार परिषद घेऊन हा व्हिडिओ जारी केला आहे. जयललिता यांची तब्येत ढासळल्यामुळे त्यांना रुग्णालयात दाखल करण्यात आलं आहे, असं निवेदन अपोलो रुग्णालयाने त्यावेळी दिलं होतं. मात्र जयललिता यांचा हा व्हिडिओ आल्यानं मृत्यूआधी त्या बरेच दिवस अपोलो रुग्णालायात उपचार घेत असल्याचं दिसून आलं आहे. या व्हिडीओमध्ये जयललिता रुग्णालयातील त्यांच्या बेडवर बसलेल्या असून काहीतरी पीत असल्याचं दिसत आहे. आपली मावशी शशिकला यांनी रुग्णालयात जयललितांचा काही मिनिटांचा व्हिडीओ रेकॉर्ड केला होता, असं दिनाकरन यांनी सांगितलं. दिनाकरन हे शशिकला यांचे भाचे आहेत.
दरम्यान, आपल्या फायद्यासाठी दिनाकरन यांनी आरके नगर पोटनिवडणुकीच्या एक दिवस आधी व्हिडीओ जारी केला आहे, असा आरोप दुसऱ्या गटाकडून होत आहे. जयललिता यांना रुग्णालयात कोणीच भेटू शकत नव्हतं, असा दावा केला जात होता. तो या व्हिडिओनं फोल ठरला असल्याचं दिनाकरन यांच्या समर्थकांनी म्हटलं आहे.
निवडणूक आयोगाचा इशारा
दिनाकरन यांनी जारी केलेल्या या व्हिडिओची निवडणूक आयोगाने गंभीर दखल घेतली आहे. दिनाकरन गटाविरोधात कारवाई करण्याचा इशारा निवडणूक आयोगाने दिला आहे. हे आचारसंहितेचं उल्लंघन आहे, हा व्हिडीओ प्रसारित करायला नको होता, असं तामिळनाडूचे निवडणूक आयुक्त राजेश लखोनी यांनी म्हटलं आहे.
तामिळनाडूच्या माजी मुख्यमंत्री जयललिता यांचा अपोलो रुग्णालयातील शेवटच्या काळातील व्हिडिओ प्रसिद्ध झाल्याने खळबळ उडाली आहे. आर. के. नगरमधील पोटनिवडणुकीच्या एक दिवसाआधीच टीटीव्ही दिनाकरन यांनी हा व्हिडिओ जारी करून खळबळ उडवून दिली आहे. त्यामुळे तामिळनाडूच्या राजकारणात पुन्हा एकदा टि्वस्ट आलं आहे.
दिनाकरन यांनी एक पत्रकार परिषद घेऊन हा व्हिडिओ जारी केला आहे. जयललिता यांची तब्येत ढासळल्यामुळे त्यांना रुग्णालयात दाखल करण्यात आलं आहे, असं निवेदन अपोलो रुग्णालयाने त्यावेळी दिलं होतं. मात्र जयललिता यांचा हा व्हिडिओ आल्यानं मृत्यूआधी त्या बरेच दिवस अपोलो रुग्णालायात उपचार घेत असल्याचं दिसून आलं आहे. या व्हिडीओमध्ये जयललिता रुग्णालयातील त्यांच्या बेडवर बसलेल्या असून काहीतरी पीत असल्याचं दिसत आहे. आपली मावशी शशिकला यांनी रुग्णालयात जयललितांचा काही मिनिटांचा व्हिडीओ रेकॉर्ड केला होता, असं दिनाकरन यांनी सांगितलं. दिनाकरन हे शशिकला यांचे भाचे आहेत.
दरम्यान, आपल्या फायद्यासाठी दिनाकरन यांनी आरके नगर पोटनिवडणुकीच्या एक दिवस आधी व्हिडीओ जारी केला आहे, असा आरोप दुसऱ्या गटाकडून होत आहे. जयललिता यांना रुग्णालयात कोणीच भेटू शकत नव्हतं, असा दावा केला जात होता. तो या व्हिडिओनं फोल ठरला असल्याचं दिनाकरन यांच्या समर्थकांनी म्हटलं आहे.
निवडणूक आयोगाचा इशारा
दिनाकरन यांनी जारी केलेल्या या व्हिडिओची निवडणूक आयोगाने गंभीर दखल घेतली आहे. दिनाकरन गटाविरोधात कारवाई करण्याचा इशारा निवडणूक आयोगाने दिला आहे. हे आचारसंहितेचं उल्लंघन आहे, हा व्हिडीओ प्रसारित करायला नको होता, असं तामिळनाडूचे निवडणूक आयुक्त राजेश लखोनी यांनी म्हटलं आहे.