वृत्तसंस्था, नवी दिल्ली
तुतिकोरीन येथील स्टरलाइट प्रकल्प बंद करण्याचा तमिळनाडू सरकारचा निर्णय राष्ट्रीय हरित लवादाने रद्द ठरवला. वेदान्त कंपनीने येत्या तीन वर्षांत कल्याणकारी कामांसाठी १०० कोटी रुपये खर्च करावेत, असे सांगत लवादाने या प्रकल्पाला हिरवा कंदील दाखवला.
तमिळनाडू प्रदूषण नियंत्रण मंडळाने या प्रकल्पाला संमती आदेश नव्याने काढावा, असा आदेशही लवादाने दिला. प्रकल्प बंद करणे अन्याय्य असल्याचे मत लवादाने नोंदवले. वेदान्त कंपनीचा स्टरलाइट प्रकल्प प्रदूषणकारी असल्याचा आरोप करीत स्थानिकांनी २२ आणि २३ मे रोजी उग्र निदर्शने केली होती. त्या वेळी पोलिसांनी केलेल्या गोळीबारात किमान १३ जणांचा मृत्यू झाला होता. त्यानंतर हा प्रकल्प बंद करण्याचा आदेश राज्य सरकारने काढला होता. त्यानंतर जिल्हा प्रशासनाने कंपनीच्या कॉपर स्मेल्टर युनिटला सील ठोकून प्रकल्प बंद करण्याची नोटीस चिकटवली होती. हा प्रकल्प कायमस्वरूपी बंद करण्यात येत असल्याचे त्यावेळी मुख्यमंत्री ई. पलानीस्वामी यांनी जाहीर केले होते. त्याविरोधात वेदान्त कंपनीने लवादात धाव घेतली होती.
तुतिकोरीन येथील स्टरलाइट प्रकल्प बंद करण्याचा तमिळनाडू सरकारचा निर्णय राष्ट्रीय हरित लवादाने रद्द ठरवला. वेदान्त कंपनीने येत्या तीन वर्षांत कल्याणकारी कामांसाठी १०० कोटी रुपये खर्च करावेत, असे सांगत लवादाने या प्रकल्पाला हिरवा कंदील दाखवला.
तमिळनाडू प्रदूषण नियंत्रण मंडळाने या प्रकल्पाला संमती आदेश नव्याने काढावा, असा आदेशही लवादाने दिला. प्रकल्प बंद करणे अन्याय्य असल्याचे मत लवादाने नोंदवले. वेदान्त कंपनीचा स्टरलाइट प्रकल्प प्रदूषणकारी असल्याचा आरोप करीत स्थानिकांनी २२ आणि २३ मे रोजी उग्र निदर्शने केली होती. त्या वेळी पोलिसांनी केलेल्या गोळीबारात किमान १३ जणांचा मृत्यू झाला होता. त्यानंतर हा प्रकल्प बंद करण्याचा आदेश राज्य सरकारने काढला होता. त्यानंतर जिल्हा प्रशासनाने कंपनीच्या कॉपर स्मेल्टर युनिटला सील ठोकून प्रकल्प बंद करण्याची नोटीस चिकटवली होती. हा प्रकल्प कायमस्वरूपी बंद करण्यात येत असल्याचे त्यावेळी मुख्यमंत्री ई. पलानीस्वामी यांनी जाहीर केले होते. त्याविरोधात वेदान्त कंपनीने लवादात धाव घेतली होती.