श्रीनगर : दहशतवाद्यांनी केलेल्या हल्ल्यात सीमा सुरक्षा दलाचे (बीएसएफ) दोन जवान हुतात्मा झाले. जम्मू-काश्मीरमधील गांदरबल येथे बुधवारी ही घटना घडली. सरकारी अधिकाऱ्यांनी ही माहिती दिली. दहशतवादी मोटरसायकलवरून आले आणि त्यांनी 'बीएसएफ'च्या जवानांवर पांडाक क्षेत्रामध्ये गोळीबार केला. या हल्ल्यामध्ये जवान जखमी झाले. त्यांना रुग्णालयात दाखल करण्यात आले. त्यातील एका जवानाचा रुग्णालयात नेतानाच मृत्यू झाला, तर दुसऱ्याचा उपचारांदरम्यान मृत्यू झाला. दहशतवाद्यांना शोधण्याची मोहीम आखण्यात आली आहे.
‘बीएसएफ’चे दोन जवान हुतात्मा
दहशतवाद्यांनी केलेल्या हल्ल्यात सीमा सुरक्षा दलाचे (बीएसएफ) दोन जवान हुतात्मा झाले जम्मू-काश्मीरमधील गांदरबल येथे बुधवारी ही घटना घडली...
महाराष्ट्र टाइम्स.कॉम 21 May 2020, 4:00 am