श्रीनगर : शस्त्रसंधीचा भंग करून पाकिस्तानी सैन्याने गुरुवारी केलेल्या दोन हल्ल्यांत काश्मिरात दोन जवान शहीद झाले.
कुपवाड्यातील मछिल सेक्टरमध्ये सकाळी ११च्या सुमारास पाक सैन्याने तुफान गोळीबार केला. यामध्ये लष्कराचा एक जवान शहीद झाला. या हल्ल्यास भारतानेही जोरदार प्रत्युत्तर दिले. दुसऱ्या घटनेत नियंत्रण रेषेवरील सुंदरबनी क्षेत्रात पाकिस्तानी सैनिकांनी सीमा सुरक्षा दलाच्या दोन जवानांवर नेम धरून गोळीबार केला. यामध्ये कॉन्स्टेबल पी. बिश्वास यांच्या डाव्या खांद्याला जबर जखम झाली. दोन्ही जखमी जवानांना हेलिकॉप्टरने नजीकच्या वैद्यकीय केंद्रात हलवण्यात आले, मात्र उपचारादरम्यान बिश्वास यांचा मृत्यू ओढवला.