दोन स्टंटमॅन बुडाले

बंगळुरू : चित्रपटातील नाट्यमय पाठलाग दृश्याचे चित्रिकरण करताना दोन कान्नड अभिनेते (स्टंटमॅन) वाहून गेल्याचा अंदाज आहे. हे अभिनेते हेलिकॉप्टरमधून तलावात उडी मारण्याचे दृश्य चित्रीत करत असताना ही घटना घडली. स्टंटमॅन अनिल आण‌ि उदय अशी या दोघांची नावे असून, ते ‘मस्त‌िग‌ुडी’ या चित्रपटाच्या शेवटच्या दृश्याचे चित्रिकरण करत होते.

अनिल आण‌ि उदय यांनी सुमारे ३० फूटांवरून हेलिकॉप्टरमधून पाण्यात उडी मारली. मात्र ते पाण्याच्या पृष्ठभागावर येण्यात यशस्वी झाले नाहीत. चित्रपटातील मुख्य अभिनेता दुनिया विजय यानेही त्यांच्याबरोबर पाण्यात उडी मारली होती. मात्र त्याने जीवरक्षक जॅकेट घातलेले होते, असे वृत्त आहे. घटनेला अनेक तास उलटूनही अद्याप या दोघांचे मृतदेह मिळालेले नाहीत. चित्र‌िकणाला सुरुवात होण्यापूर्वी बुडालेल्या स्टंटमॅन पैकी एकाने भीती वाटत असल्याचे म्हटले होते. मात्र सुरक्षा व्यवस्था चोख असेल, असा त्याला विश्वास होता. त्यामुळे त्याने पाण्यात उडी मारल्याचे सूत्रांनी सांगितले.