अमृतसर
‘सन १९१९ मध्ये घडलेल्या जालियनवाला बाग येथील हत्याकांडाबाबत ब्रिटिश सरकारने माफी मागितली पाहिजे,’ असे वक्तव्य लंडनचे महापौर सादिक खान यांनी बुधवारी केले. ‘हे हत्याकांड कोणीही कधीही विसरू नये,’ असेही ते म्हणाले.
खान मंगळवारी अमृतसरमध्ये आले आहेत. त्यांनी जालियनवाला बाग हत्याकांडात मृत्युमुखी पडलेल्यांना आदरांजली वाहिली. ‘जालियनवाला बागची भेट मन हेलावून टाकणारी होती. ब्रिटिश सरकारने आता अखेर माफी मागायची वेळ आली आहे. सन १९१९ मध्ये बैसाखीच्या पूर्वसंध्येला झालेले हे हत्याकांड कोणालाही विसरता येण्यासारखे नाही,’ असे खान यांनी जालियनवाला बाग येथील अभ्यागतांसाठीच्या नोंदवहीत नमूद केले. ब्रिटनचे माजी पंतप्रधान डेव्हिड कॅमेरॉन यांनी सन २०१३ मध्ये जालियनवाला बागला भेट दिली होती. त्या वेळी त्यांनीही या हत्याकांडाचा निषेध करून, ‘ब्रिटिश इतिहासातील ही अतिशय लांच्छनास्पद घटना आहे,’ असे म्हटले होते. मात्र, याबाबत अधिकृतपणे माफी मागितली नव्हती. दरम्यान, खान यांनी अमृतसरमध्ये सुवर्णमंदिरालाही भेट दिली. तेथील लंगरमध्ये सहभागी होऊन पदार्थ कसे बनवले जातात, याची आस्थेवाइकपणे माहितीही घेतली.
‘सन १९१९ मध्ये घडलेल्या जालियनवाला बाग येथील हत्याकांडाबाबत ब्रिटिश सरकारने माफी मागितली पाहिजे,’ असे वक्तव्य लंडनचे महापौर सादिक खान यांनी बुधवारी केले. ‘हे हत्याकांड कोणीही कधीही विसरू नये,’ असेही ते म्हणाले.
खान मंगळवारी अमृतसरमध्ये आले आहेत. त्यांनी जालियनवाला बाग हत्याकांडात मृत्युमुखी पडलेल्यांना आदरांजली वाहिली. ‘जालियनवाला बागची भेट मन हेलावून टाकणारी होती. ब्रिटिश सरकारने आता अखेर माफी मागायची वेळ आली आहे. सन १९१९ मध्ये बैसाखीच्या पूर्वसंध्येला झालेले हे हत्याकांड कोणालाही विसरता येण्यासारखे नाही,’ असे खान यांनी जालियनवाला बाग येथील अभ्यागतांसाठीच्या नोंदवहीत नमूद केले. ब्रिटनचे माजी पंतप्रधान डेव्हिड कॅमेरॉन यांनी सन २०१३ मध्ये जालियनवाला बागला भेट दिली होती. त्या वेळी त्यांनीही या हत्याकांडाचा निषेध करून, ‘ब्रिटिश इतिहासातील ही अतिशय लांच्छनास्पद घटना आहे,’ असे म्हटले होते. मात्र, याबाबत अधिकृतपणे माफी मागितली नव्हती. दरम्यान, खान यांनी अमृतसरमध्ये सुवर्णमंदिरालाही भेट दिली. तेथील लंगरमध्ये सहभागी होऊन पदार्थ कसे बनवले जातात, याची आस्थेवाइकपणे माहितीही घेतली.