हे धोकादायक चार अॅप्स ताबडतोब करा डिलीट

मटाऑनलाइन वृत्त

तुम्ही जर स्मार्टफोन वापरत असाल तर ही बातमी नक्कीच तुमच्यासाठी आहे. केंद्रीय गृहमंत्रालयाने जारी केलेल्या अलर्टनुसार एक धक्कादाक माहिती समोर आली आहे. टॉप गन (गेम अॅ्प), एमपीजंक (म्यूजिक अॅ प), व्हिडीजंक (व्हिडीओ अॅीप) आणि टॉकिंग फ्रॉग (एंटरटेन्मेंट अॅाप) हे चार अॅप तुमच्या मोबाईलमध्ये असतील तर ताबडतोब डिलीट करा. कारण केंद्रीय गृहमंत्रालयाने जारी केलेल्या अलर्ट नुसार हे धोकादयक अॅप्स म्हणून घोषित करण्यात आले आहेत.

या अॅप्सद्वारे व्हायरस पाठवून गोपनीय माहिती मिळवत पाक यंत्रणा हेरगिरी करत असल्याचे समोर आले आहे. केंद्रीय गृहमंत्रालयाने याबाबत अलर्ट जारी केला आहे. देशातील सर्व सुरक्षा यंत्रणा आणि राज्यांच्या गुप्तचर यंत्रणांना पत्र लिहून काही ठराविक मोबाईल अॅ प डाऊनलोड न करण्याचे निर्देशही देण्यात आले आहेत.

सोशल मीडियाच्या माध्यमातून देखील तुमच्या मोबाईलमध्ये हे चार अॅप असतील तर ते तातडीने डिलीट करा, असा मेसेज व्हायरल होत होता. माजी सैनिकांना नोकरी देण्याच्या नावावर, आर्थिक मदत देण्याच्या बहाण्याने पाककडून हेरीगिरीचा प्रयत्न केल्याची सात प्रकरणं समोर आली आहेत. या याबाबीचा संपूर्ण माहिती घेऊन त्याचा पाठपुरावा करून गृह मंत्रालयाने या अॅपपासून दूर राहण्याचे निर्देश दिले आहेत.