अ‍ॅपशहर

railway employees : खूशखबर! रेल्वे कर्मचाऱ्यांना मोदी सरकारची दिवाळी भेट; मिळणार 'इतक्या' दिवसांचा बोनस

केंद्रीय मंत्रिमंडळाने रेल्वे कर्मचाऱ्यांना खूशखबर दिली आहे. रेल्वेतील राजपत्रित अधिकारी वगळता इतर कर्मचाऱ्यांना हा बोनस मिळणार आहे. केंद्रीय मंत्री अनुराग ठाकूर यांनी ही माहिती दिली.

महाराष्ट्र टाइम्स.कॉम 6 Oct 2021, 5:45 pm
नवी दिल्लीः केंद्रीय मंत्रिमंडळाने राजपत्रित अधिकारी वगळून रेल्वे कर्मचाऱ्यांना ७८ दिवसांच्या ( railway employees ) पगाराएवढा उत्पादकतेवर आधारित बोनस मंजूर केला आहे. केंद्रीय मंत्री अनुराग ठाकूर यांनी ही माहिती दिली. सुमारे ११.५६ लाख नॉन-गॅझेटेड रेल्वे कर्मचाऱ्यांना याचा फायदा होईल. मंत्रिमंडळाच्या आज झालेल्या बैठकीत दोन विभागांबाबत निर्णय घेण्यात आले. रेल्वेच्या नॉन-गॅझेटेड कर्मचाऱ्यांना वर्षानुवर्षे प्रोडक्टिव्हिटी लिंक बोनस मिळतो. यावर्षीही रेल्वेच्या या कर्मचाऱ्यांना ७८ दिवसांचा बोनस दिला जाईल, असा निर्णय मंत्रिमंडळाच्या बैठकीत घेण्यात आल्याचं ठाकूर यांनी सांगितलं. यात आरपीएफ आणि आरपीएसएफच्या जवानांचा यात समावेश नाही. यामुळे त्यांना हा बोनस मिळणार नाही.
महाराष्ट्र टाइम्स.कॉम union cabinet approves productivity linked bonus equivalent to 78 days wage to eligible non gazetted railway employees
खूशखबर! रेल्वे कर्मचाऱ्यांना मोदी सरकारची दिवाळी भेट; मिळणार 'इतक्या' दिवसांचा बोनस


'पीएम मित्र योजना' सुरू केली जाईल. ही योजना कापड आणि वस्त्रांच्या क्षेत्रात मोठे योगदान देईल. यामुळे लाखो नागरिकांना रोजगार मिळेल. ५ वर्षात ४४४५ कोटी खर्च केले जातील. ७ मेगा इंटिग्रेटेड टेक्सटाईल रिजनल अँड अॅपरल (MITRA) पार्क त्यावर बांधण्यात येतील, अशी माहिती त्यांनी दिली.

Lakhimpur Violence: मुलावर हत्येचा आरोप, केंद्रीय मंत्री अजय मिश्रांनी घेतली गृहमंत्री अमित शहांची भेट

RoSCTL ची योजना २०१९ मध्ये सुरू करण्यात आली होती. या योजनेला २०२४ पर्यंत मुदतवाढ देण्यात आली आहे. यामुळे वस्त्रोद्योग क्षेत्रात निर्यातीबाबत उत्साह आहे. पीएम मित्र योजनेद्वारे सुमारे ७ लाख नारिकांना प्रत्यक्ष आणि १४ लाख नागरिकांना अप्रत्यक्ष रोजगार मिळेल, ही आमची कल्पना आहे. आतापर्यंत १० राज्यांनी या योजनेत रुची दाखवली आहे.

महत्वाचे लेख

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
ताज्या बातम्यांसह अपडेट राहण्यासाठी लाइक करा Maharashtra Times फेसबुकपेज