covid19 situation : करोनावर मंत्रिगटाची बैठक; आरोग्यमंत्री म्हणाले, '१० राज्यांत ८३ टक्के रुग्ण'

नवी दिल्लीः केंद्रीय आरोग्यमंत्री डॉ. हर्षवर्धन यांनी करोनाच्या स्थितीवर मंत्रिगटाच्या २८ व्या बैठकीत संबोधित ( covid19 situation ) केलं. या बैठकीत परराष्ट्र मंत्री एस. जयशंकर, हरदीप सिंग पुरी, आरोग्य राज्यमंत्री अश्विनी चौबे हे उपस्थित होते. देशात करोनाचे सध्या १४ लाख ०१ हजार ६०९ अॅक्टिव्ह रुग्ण असल्याची माहिती त्यांनी दिली.

देशा १२ मे पासून करोना रुग्णांची संख्या सतत कमी होत आहे. १४ मे पासून नवीन रुग्णांच्या तुलनेत बरे होणाऱ्या रुग्णांची संख्या अधिक आहे. देशातील ८३ टक्के रुग्ण हे १० राज्यांमध्ये आहेत. १७ टक्के रुग्ण हे २६ राज्यांमध्ये आणि केंद्र शासित प्रदेशांमध्ये आहेत. ७ राज्यांमध्ये दिवसाला १ हजाराहून कमी रुग्ण आढळले आहेत.

pm modi to address the nation : पंतप्रधान मोदी आज संध्याकाळी देशाला संबोधित करणार

देशात गेल्या २४ तासांमध्ये करोना व्हायरसच १ लाख ६३६ नवीन रुग्ण आढळून आले आहेत. गेल्या ६१ दिवसांमधील ही सर्वात कमी रुग्णसंख्या आहे. देशात गेल्या २४ तासांमध्ये २४२७ रुग्णांचा मृत्यू झाला आहे. गेल्या २४ तासांत १३, ९०, ९१६ जणांनी लस घेतली. यानंतर देशात लस घेणाऱ्या एकूण रुग्णांची संख्या २३,२७,८६,४८२ पर्यंत झाली आहे.

covid 19 patient : करोनाची लक्षणं नसलेल्या रुग्णांना आता औषधाची गरज नाही, सरकारचा दावा