बेंगळुरू :
केंद्रीय संसदीय कार्य तसेच रसायन व खते मंत्री आणि भाजपचे ज्येष्ठ नेते अनंतकुमार यांचे आज पहाटे १ वाजून ५० मिनिटांनी येथील शंकर रुग्णालयात निधन झाले. ते ५९ वर्षांचे होते. अनंतकुमार यांना कॅन्सर झाला होता. गेल्या काही दिवसांपासून त्यांच्यावर अतिदक्षता विभागात उपचार सुरू होते. त्यांना व्हेंटिलेटरवर ठेवण्यात आले होते. मात्र, उपचारांना हवा तसा प्रतिसाद मिळत नव्हता. त्यातच अनंतकुमार यांची प्रकृती खालावत गेली आणि त्यांची प्राणज्योत मालवली.
अनंतकुमार कॅन्सरवरील उपचारांसाठी अमेरिकेत गेले होते. २० ऑक्टोबर रोजी ते भारतात परतले होते. त्यानंतर तब्येत पुन्हा बिघडल्याने त्यांना येथील शंकर रुग्णालयात दाखल करण्यात आले होते. कॅन्सर आणि त्यातच संसर्ग झाल्याने त्यांची प्रकृती सतत ढासळत चालली होती. त्यातून अनंतकुमार सावरू शकले नाहीत.
अनंतकुमार दक्षिण बेंगळुरू लोकसभा मतदारसंघाचे प्रतिनिधीत्व करत होते. १९९६ पासून हा मतदारसंघ त्यांचा गड राहिला. या मतदारसंघातून ते सहावेळा निवडून आले. केंद्रीय मंत्रिमंडळात २०१४ पासून अनंतकुमार यांच्याकडे रसायन व खते मंत्री म्हणून पदभार देण्यात आला होता. त्यानंतर जुलै २०१६ पासून त्यांच्याकडे संसदीय कार्य मंत्रिपदाची महत्त्वाची जबाबदारीही देण्यात आली होती.
जवळचा सहकारी, मित्र गमावला: पंतप्रधान मोदी
पंतप्रधान नरेंद्र मोदी यांनी ट्विटरच्या माध्यमातून अनंतकुमार यांना श्रद्धांजली वाहिली. अनंतकुमार यांच्या जाण्याने मी एक जवळचा सहकारी आणि मित्र गमावला आहे, अशी भावना पंतप्रधानांनी व्यक्त केली. अनंतकुमार यांनी मंत्री म्हणून ज्याप्रमाणे कुशलतेने जबाबदारी सांभाळली त्याचप्रमाणे कर्नाटकात भाजप पक्षबांधणीतही त्यांचा मोलाचा वाटा राहीला. भरीव अशा कामगिरीमुळे ते कायम स्मरणात राहतील, असे पंतप्रधानांनी शोकसंदेशात म्हटले आहे.
केंद्रीय संसदीय कार्य तसेच रसायन व खते मंत्री आणि भाजपचे ज्येष्ठ नेते अनंतकुमार यांचे आज पहाटे १ वाजून ५० मिनिटांनी येथील शंकर रुग्णालयात निधन झाले. ते ५९ वर्षांचे होते. अनंतकुमार यांना कॅन्सर झाला होता. गेल्या काही दिवसांपासून त्यांच्यावर अतिदक्षता विभागात उपचार सुरू होते. त्यांना व्हेंटिलेटरवर ठेवण्यात आले होते. मात्र, उपचारांना हवा तसा प्रतिसाद मिळत नव्हता. त्यातच अनंतकुमार यांची प्रकृती खालावत गेली आणि त्यांची प्राणज्योत मालवली.
अनंतकुमार कॅन्सरवरील उपचारांसाठी अमेरिकेत गेले होते. २० ऑक्टोबर रोजी ते भारतात परतले होते. त्यानंतर तब्येत पुन्हा बिघडल्याने त्यांना येथील शंकर रुग्णालयात दाखल करण्यात आले होते. कॅन्सर आणि त्यातच संसर्ग झाल्याने त्यांची प्रकृती सतत ढासळत चालली होती. त्यातून अनंतकुमार सावरू शकले नाहीत.
अनंतकुमार दक्षिण बेंगळुरू लोकसभा मतदारसंघाचे प्रतिनिधीत्व करत होते. १९९६ पासून हा मतदारसंघ त्यांचा गड राहिला. या मतदारसंघातून ते सहावेळा निवडून आले. केंद्रीय मंत्रिमंडळात २०१४ पासून अनंतकुमार यांच्याकडे रसायन व खते मंत्री म्हणून पदभार देण्यात आला होता. त्यानंतर जुलै २०१६ पासून त्यांच्याकडे संसदीय कार्य मंत्रिपदाची महत्त्वाची जबाबदारीही देण्यात आली होती.
जवळचा सहकारी, मित्र गमावला: पंतप्रधान मोदी
पंतप्रधान नरेंद्र मोदी यांनी ट्विटरच्या माध्यमातून अनंतकुमार यांना श्रद्धांजली वाहिली. अनंतकुमार यांच्या जाण्याने मी एक जवळचा सहकारी आणि मित्र गमावला आहे, अशी भावना पंतप्रधानांनी व्यक्त केली. अनंतकुमार यांनी मंत्री म्हणून ज्याप्रमाणे कुशलतेने जबाबदारी सांभाळली त्याचप्रमाणे कर्नाटकात भाजप पक्षबांधणीतही त्यांचा मोलाचा वाटा राहीला. भरीव अशा कामगिरीमुळे ते कायम स्मरणात राहतील, असे पंतप्रधानांनी शोकसंदेशात म्हटले आहे.