रिजिजू यांच्या हेलिकॉप्टरचे इमर्जन्सी लँडिंग

इटानगर : खराब हवामानामुळे केंद्रीय मंत्री किरेन रिजिजू यांच्या हेलिकॉप्टरचे मंगळवारी इमर्जन्सी लँडिंग करावे लागले असून, रिजिजू सुखरूप असल्याची माहिती देण्यात आली.

रिजिजू इतर सात प्रवाशांसह गुवाहाटीवरून अरुणाचल प्रदेशातील झिरो येथे ‘एमआय-१७’ या हेलिकॉप्टरमधून निघाले होते. परंतु, दुपारच्या वेळी मुसळधार पाऊस आणि धुके दाटून आल्याने उड्डाणानंतर दहा मिनिटांतच हेलिकॉप्टर जमिनीवर उतरवावे लागले. ‘हेलिकॉप्टर सुरक्षितरित्या उतरविल्याबद्दल सीमा सुरक्षा दलाच्या पायलटचे आभार मानतो,’ अशी प्रतिक्रिया रिजिजू यांनी दिली.