नवी दिल्ली: दिल्लीतील जवाहरलाल नेहरू विद्यापीठाच्या विद्यार्थी संघाच्या निवडणुकीत डाव्या संघटनांच्या आघाडीने चारही जागा जिंकत एकतर्फी विजय संपादन केला आहे. अखिल भारतीय विद्यार्थी परिषद या चारही जागांवर दुसऱ्या स्थानी राहिली. एआयएसए, एसएफआय, एआयएसएफ आणि डीएसएफ या डाव्या संघटनांनी निवडणुकीसाठी आघाडी केली होती. या निवडणुकीचा निकाल जाहीर करण्यावर दिल्ली उच्च न्यायालयाने बंदी घातली होती. ती उठविल्यानंतर मंगळवारी निकाल जाहीर करण्यात आले.
विद्यार्थी संघाच्या अध्यक्षपदी एसएफआयच्या आयशी घोष हिने बाजी मारली. तिला २ हजार ३१३ मते मिळाली. अभाविपच्या मनीष जांगीड हा १ हजार १२८ मतांसह दुसऱ्या स्थानी राहिला. उपाध्यक्षपदी साकेत मून निवडून आला. त्याने अभाविपच्या श्रुती अग्निहोत्रीचा पराभव केला. मून याला ३ हजार ३६५, तर श्रुती हिला १ हजार ३३५ मते मिळाली. महासचिवपदी सतीशचंद्र यादव निवडून आला. त्याने अभाविपच्या सबरीश पीए याचा पराभव केला. यादव याला २ हजार ५१८ तर सबरीश याला १ हजार ३५५ मते मिळाली. संयुक्त सचिवपदी डाव्या आघाडीच्या मोहम्मद दानीश याने विजय मिळविला. त्याने अभाविपच्या सुमंता साहू याचा पराभव केला. दानीश याला ३ हजार २९५ तर साहू याला १ हजार ५०८ मते मिळाली.
तत्पूर्वी, या या निकालाबाबत मंगळवारी दिल्ली उच्च न्यायालयात सुनावणी झाली. न्या. संजीव सचदेव यांच्या खंडपीठाने जेएनयू प्रशासनाला लिंगडोह कमिटीच्या शिफारसीनुसार निकाल जाहीर करण्याचा आदेश दिला. ही निवडणूक ६ सप्टेंबर रोजी झाली होती. दरम्यान उमेदवारी अर्ज चुकीच्या पद्धतीने रद्द करण्यात आल्याचा आरोप करीत दोन विद्यार्थ्यांनी न्यायालयात याचिका दाखल केली होती. या याचिकेची दखल घेत न्यायालयाने १७ सप्टेंबरपर्यंत निकाल जाहीर करू नका, असे आदेश विद्यापीठ प्रशासनाला दिले होते.
विद्यार्थी संघाच्या अध्यक्षपदी एसएफआयच्या आयशी घोष हिने बाजी मारली. तिला २ हजार ३१३ मते मिळाली. अभाविपच्या मनीष जांगीड हा १ हजार १२८ मतांसह दुसऱ्या स्थानी राहिला. उपाध्यक्षपदी साकेत मून निवडून आला. त्याने अभाविपच्या श्रुती अग्निहोत्रीचा पराभव केला. मून याला ३ हजार ३६५, तर श्रुती हिला १ हजार ३३५ मते मिळाली. महासचिवपदी सतीशचंद्र यादव निवडून आला. त्याने अभाविपच्या सबरीश पीए याचा पराभव केला. यादव याला २ हजार ५१८ तर सबरीश याला १ हजार ३५५ मते मिळाली. संयुक्त सचिवपदी डाव्या आघाडीच्या मोहम्मद दानीश याने विजय मिळविला. त्याने अभाविपच्या सुमंता साहू याचा पराभव केला. दानीश याला ३ हजार २९५ तर साहू याला १ हजार ५०८ मते मिळाली.
तत्पूर्वी, या या निकालाबाबत मंगळवारी दिल्ली उच्च न्यायालयात सुनावणी झाली. न्या. संजीव सचदेव यांच्या खंडपीठाने जेएनयू प्रशासनाला लिंगडोह कमिटीच्या शिफारसीनुसार निकाल जाहीर करण्याचा आदेश दिला. ही निवडणूक ६ सप्टेंबर रोजी झाली होती. दरम्यान उमेदवारी अर्ज चुकीच्या पद्धतीने रद्द करण्यात आल्याचा आरोप करीत दोन विद्यार्थ्यांनी न्यायालयात याचिका दाखल केली होती. या याचिकेची दखल घेत न्यायालयाने १७ सप्टेंबरपर्यंत निकाल जाहीर करू नका, असे आदेश विद्यापीठ प्रशासनाला दिले होते.