...म्हणून भाजपला ऐतिहासिक विजय मिळाला

मटा ऑनलाइन वृत्त । लखनऊ

लोकसभा निवडणुकीनंतर विधानसभा निवडणुकीतही भाजपनं उत्तर प्रदेशात घवघवीत यश मिळविलं आहे. उत्तर प्रदेशात पंतप्रधान नरेंद्र मोदी यांनी ठोकलेला तळ, १३ लाख ५० हजार कार्यकर्त्यांनी राबवलेली प्रचार मोहिम, परिवर्तन रॅलींवर दिलेला जोर आणि कार्यकर्त्यांनीच पक्षासाठी जमा केलेला १७ कोटींचा निधी या कारणांमुळे भाजपला उत्तर प्रदेशात ऐतिहासिक विजय मिळविता आल्याचे सांगण्यात येते.

देशातील सर्वात मोठं राज्य असलेल्या उत्तर प्रदेशाचा गड किल्ला सर करण्यासाठी पंतप्रधान नरेंद्र मोदी आणि भाजप अध्यक्ष अमित शहा यांनी सविस्तर नियोजन केले होते. जिंकणाऱ्या जागा आणि पराभवाचा सामना कराव्या लागणाऱ्या जागा याचा सविस्तर अभ्यास करूनच त्यांनी रणनिती आखली होती. त्यामुळेच त्यांना मोठा विजय मिळविता आल्याचं सुत्रांनी सांगितलं.

या कारणांमुळे विजय झाला सोपा

> कार्यकर्त्यांनी १७ कोटींचा निधी जमवला
> मोदींच्या नेतृत्वावरचा विश्वास
> महिला, दलित आणि व्यापाऱ्यांची संमेलनं
> पावणे दोन लाख बूथवर १३ लाख ५० हजार कार्यकर्ते तैनात केले
> परिवर्तन रॅलींवर जोर दिला
> उत्तर प्रदेशात पावणे दोन कोटी कार्यकर्ते तयार केले
> जातीय समीकरणांची मोट बांधली
> ५० लाख लोकांशी संवाद साधला
> ८ हजार किलोमीटरच्या प्रचार यात्रा
> 'माटी-तिलक' शपथ रॅलींवर जोर