yogi adityanath to meet pm modi : दिल्लीत काय होणार?; योगी आदित्यनाथ रवाना, PM मोदी, अमित शहांसोबत होणार बैठक

नवी दिल्ली : उत्तर प्रदेशचे काळजीवाहू मुख्यमंत्री योगी आदित्यनाथ लखनऊहून ( yogi adityanath to meet pm modi ) दिल्लीला रवाना झाले आहेत. मुख्यमंत्री योगी आदित्यनाथ हे दुपारी १ वाजता बी. एल. संतोष यांची भेट घेणार आहेत. यानंतर योगी आदित्यनाथ उपराष्ट्रपती व्यंकय्या नायडू यांची दुपारी ३ वाजता आणि भाजप अध्यक्ष जे. पी. नड्डा यांची संध्याकाळी ६ वाजता भेट घेणार आहेत. त्याच वेळी संध्याकाळी ५ वाजता मुख्यमंत्री योगी पंतप्रधानांच्या निवासस्थानी पोहोचतील आणि पंतप्रधान मोदींची भेट घेतील. पंतप्रधानांची भेट घेतल्यानंतर योगी संध्याकाळी ८ वाजता संरक्षण मंत्री राजनाथ सिंह यांची भेट घेणार आहेत. योगी आदित्यनाथ हे आजपासून दोन दिवसांच्या दिल्ली दौऱ्यावर असल्याचे सूत्रांनी सांगितले.

elections

यासोबतच मुख्यमंत्री योगी आणि त्यांची टीम राधामोहन सिंह, धर्मेंद्र प्रधान, बी. एल. संतोष आणि पक्षाच्या इतर वरिष्ठ नेत्यांची भेट घेणार आहेत. योगी आदित्यनाथ नवीन मंत्रिमंडळासह राज्यात केलेल्या घोषणांची अंमलबजावणी करण्यासाठी आज केंद्रीय नेतृत्वाशी चर्चा करतील. भाजप नेतृत्व योगी मंत्रिमंडळाची आज ब्लू प्रिंट तयार करू शकते, असे मानले जात आहे. यानंतर राज्यात होळीनंतर कोणत्याही दिवशी शपथविधी होऊ शकतो. त्याचबरोबर आज योगी मंत्रिमंडळातील संभाव्य मंत्र्यांच्या नावांवरही चर्चा होणार असून त्यावर पक्षाची शिक्कामोर्तब होणार आहे. सध्या नावांबाबत सस्पेंस असून शपथविधीच्या दिवशीच ती उघड होतील. जातीय समीकरणे डोळ्यासमोर ठेवून भाजप मंत्रिमंडळाचा विस्तार करेल, असे मानले जात आहे. यावेळी सर्व अडचणी असतानाही पश्चिम उत्तर प्रदेशात भाजपला फारसा फटका बसला नाही.
केंद्रीय पर्यवेक्षकांची होणार नियुक्ती

योगी आदित्यनाथ हे पुन्हा मुख्यमंत्री होणार हे जवळपास निश्चित आहेत. मात्र एका प्रक्रियेअंतर्गत भाजप आमदारांचे मत घेण्यासाठी निरीक्षकांची नियुक्ती करण्यात येणार आहे. भाजप नेतृत्व आणि राष्ट्रीय पदाधिकाऱ्यांची बैठक होणार आहे. त्यानंतर लखनऊमध्ये निरीक्षकांच्या बैठकीनंतर मुख्यमंत्र्यांच्या नावावर शिक्कामोर्तब होणार असून निरीक्षकांची टीम आपला अहवाल दिल्लीतील पक्ष नेतृत्वाला देणार आहे.

pm modi : कशासाठी तयारी?, PM मोदींनी केंद्रीय मंत्र्यांना दिली 'ही' मोठी सूचना

PM मोदींच्या गुजरात दौऱ्यामुळे दिल्ली दौरा पुढे ढकलला

उत्तर प्रदेशात निवडणुकीतील विजयानंतर मुख्यमंत्री योगी आदित्यनाथ दिल्लीला जाणार होते. पण पंतप्रधान मोदी आणि गृहमंत्री अमित शहा हे गुजरात दौऱ्यावर होते. त्यामुळे योगी आदित्यनाथ आणि भाजप नेत्यांची भेट दोन दिवसांसाठी पुढे ढकलण्यात आली. पंतप्रधान मोदी आणि अमित शाह शनिवारी संध्याकाळी दिल्लीला परतले.

सोनिया गांधी राजीनामा देणार?; दारुण पराभवानंतर आज काँग्रेसचे 'आत्मचिंतन'