मटा ऑनलाइन वृत्त। कानपूर
मुस्लिम असूनही हिंदू धर्मातील जन्माष्टमी हा सण साजरा करुन डॉ. सय्यद अहमद यांनी धार्मिक सलोख्याचं आश्चर्यचकित करणारं उदाहरण भारतीय समाजासमोर सादर केलंय. उत्तर प्रदेशातील कानपूरचे रहिवाशी असलेल्या डॉ. अहमद यांनी आपल्या कुटुंबासह जन्माष्टमीचा सण साजरा केला. विशेष म्हणजे डॉ. अहमद आणि त्यांचे कुटुंबीय गेली २८ वर्षं न चुकता जन्माष्टमीचा सण साजरा करत आहेत.
'गेल्या अनेक वर्षांपासून माझं कुटुंब मोठ्या उत्साहात जन्माष्टमीचा उत्सव साजरा करतय', अशी माहिती डॉ. एस. अहमद यांनी मोठ्या उत्साहात दिली. हिंदू आणि मुस्लिम धर्मीयांमध्ये बंधुभावाचा संदेश जावा केवळ याचा उद्देशानं आपण हा सण साजरा करत असल्याचं डॉ. एस. अहमद म्हणाले.
कृष्ण जन्माष्टमीच्या उत्सवानं आपल्या आयुष्यात आनंद निर्माण होत असल्याचंही ते म्हणाले. जन्माष्टमी साजरा करण्याची प्रेरणा आपल्याला देवा शरीफद्वारे मिळाली असल्याचंही ते आवर्जून सांगतात. देवा शरीफ हे सूफी संत वारिस अली शाह यांचं पवित्र स्थळ आहे. इथं हिंदू आणि मुस्लिम दोन्ही धर्माचे लोक पूजा-पाठ तसेच 'दुआ' मागण्यासाठी येतात.
समाजासमोर एकतेचं आगळं उदाहरण ठेवणाऱ्या डॉ. एस. अहमद यांच्या सहिष्णुतेचा दोन्ही धर्माचे लोक आदर करतात. डॉ. एस. अहमद आपल्या या सच्च्या उद्देशामुळं हिदू-मुस्लिम एकतेचं उदाहरण बनले आहेत.
मुस्लिम असूनही हिंदू धर्मातील जन्माष्टमी हा सण साजरा करुन डॉ. सय्यद अहमद यांनी धार्मिक सलोख्याचं आश्चर्यचकित करणारं उदाहरण भारतीय समाजासमोर सादर केलंय. उत्तर प्रदेशातील कानपूरचे रहिवाशी असलेल्या डॉ. अहमद यांनी आपल्या कुटुंबासह जन्माष्टमीचा सण साजरा केला. विशेष म्हणजे डॉ. अहमद आणि त्यांचे कुटुंबीय गेली २८ वर्षं न चुकता जन्माष्टमीचा सण साजरा करत आहेत.
'गेल्या अनेक वर्षांपासून माझं कुटुंब मोठ्या उत्साहात जन्माष्टमीचा उत्सव साजरा करतय', अशी माहिती डॉ. एस. अहमद यांनी मोठ्या उत्साहात दिली. हिंदू आणि मुस्लिम धर्मीयांमध्ये बंधुभावाचा संदेश जावा केवळ याचा उद्देशानं आपण हा सण साजरा करत असल्याचं डॉ. एस. अहमद म्हणाले.
कृष्ण जन्माष्टमीच्या उत्सवानं आपल्या आयुष्यात आनंद निर्माण होत असल्याचंही ते म्हणाले. जन्माष्टमी साजरा करण्याची प्रेरणा आपल्याला देवा शरीफद्वारे मिळाली असल्याचंही ते आवर्जून सांगतात. देवा शरीफ हे सूफी संत वारिस अली शाह यांचं पवित्र स्थळ आहे. इथं हिंदू आणि मुस्लिम दोन्ही धर्माचे लोक पूजा-पाठ तसेच 'दुआ' मागण्यासाठी येतात.
समाजासमोर एकतेचं आगळं उदाहरण ठेवणाऱ्या डॉ. एस. अहमद यांच्या सहिष्णुतेचा दोन्ही धर्माचे लोक आदर करतात. डॉ. एस. अहमद आपल्या या सच्च्या उद्देशामुळं हिदू-मुस्लिम एकतेचं उदाहरण बनले आहेत.