up election : यूपी निवडणूक; समाजवादी पक्षाला 'ही' मोठी भीती, थेट निवडणूक आयोगाला लिहिले पत्र

अभय सिंह राठौर, लखनऊ : उत्तर प्रदेश विधानसभा निवडणुकीसाठी (up election 2022) सातव्या टप्प्यात ९ जिल्ह्यांतील ५४ जागांसाठी आजचं मतदान संपलं आहे. त्याचवेळी समाजवादी पक्षाने मतदानादरम्यान येणाऱ्या समस्यांबाबत एकापाठोपाठ एक अनेक तक्रारी निवडणूक आयोगासमोर ( up election ) ठेवल्या आहेत. यातच पुढे जात समाजवादी पक्षाने आपल्या मागण्यांबाबत निवडणूक आयोगाला पत्र देखील लिहिले आहे. स्ट्राँग रूमची सुरक्षा मजबूत करण्यासाठी स्ट्राँग रूमच्या समोर आणि मागे सीसीटीव्ही कॅमेरे बसवण्याची मागणी समाजवादी पक्षाने (सपा) केली आहे.

'सपा'चे निवडणूक आयोगाला पत्र

समाजवादी पक्षाचे प्रदेशाध्यक्ष नरेश उत्तम यांनी मुख्य निवडणूक आयुक्तांना पत्र लिहिले आहे. फतेहपूर जिल्ह्यातील सर्व ६ विधानसभा मतदारसंघात मतदान संपल्यानंतर उर्वरित राखीव/ अतिरिक्त ईव्हीएम मशीन आणि व्हीव्हीपॅट मशीन ठेवण्यात आले आहेत. ज्यांचा रेकॉर्ड फतेहपूरचे जिल्हा निवडणूक अधिकारी, राजकीय पक्षांना आणि सर्व उमेदवारांना उपलब्ध करून दिलेल्या नाहीत, असे पत्रात म्हटले आहे.

उर्वरित ईव्हीएम व्हीव्हीपीएटी मशीन राजकीय पक्ष आणि उमेदवारांसमोरील कोणत्याही स्ट्राँग रूममध्ये सील केल्या गेल्या नाहीत. त्यामुळे समाजवादी पक्षाने उर्वरित/अतिरिक्त ईव्हीएम मशिन आणि व्हीव्हीपीएटी मशिन आरक्षित केल्या आहेत. गैरवापर होण्याची शक्यता लक्षात घेऊन सर्व राजकीय पक्षांना रेकॉर्ड उपलब्ध करून देण्याची मागणी करण्यात आली आहे. मुक्त, निष्पक्ष, निर्भय निवडणुका व्हाव्यात, असे 'सपा'ने म्हटले आहे.

uttarakhand election : उत्तराखंड भाजपमध्ये धमाका होणार!, एक्झिट पोल येण्यापूर्वीच पक्षातील कलह चव्हाट्यावर

स्ट्राँग रूमच्या समोर आणि मागे सीसीटीव्ही कॅमेरे बसवण्याची मागणी

समाजवादी पक्षाने बस्ती जिल्ह्यातील स्ट्राँग रूमची सुरक्षा अधिक मजबूत करण्यासाठी स्ट्राँग रूमच्या समोर आणि मागे तातडीने सीसीटीव्ही कॅमेरे बसवण्याची मागणी केली आहे. उमेदवारांच्या नावाच्या स्लिप, बस्ती येथील स्ट्राँग रूमजवळ फॉर्म १७ सी च्या प्रती, तसेच मोठ्या प्रमाणात ईव्हीएम मशिनचे सील टॅग फेकले आणि जाळल्याच्या तक्रारी आल्याचा उल्लेख 'सपा'ने केला आहे. स्ट्राँग रूमच्या पुढे आणि मागे मोठ्या प्रमाणात झाडे आणि जंगले आहेत. त्यामुळे गडबड होण्याची शक्यता आहे. सपाने तक्रारींची एक प्रत उत्तर प्रदेशचे मुख्य निवडणूक अधिकारी यांनाही पाठवली आहे.

UP Election Voting 2022 Live: दुपारी ३ वाजेपर्यंत ४६ टक्क्यांवर मतदान

शेवटच्या टप्प्यात या जिल्ह्यांमध्ये मतदान

शेवटच्या टप्प्यात ९ जिल्ह्यांतील विधानसभेच्या ५४ जागांसाठी मतदान झाले आहे. आझमगड, मऊ, जौनपूर, गाझीपूर, चंदौली, वाराणसी, मिर्झापूर, भदोही आणि सोनभद्र जिल्ह्यात मतदान होत आहे. यामध्ये ७५ महिला उमेदवारांसह ६१३ उमेदवारांचे भवितव्य ईव्हीएममध्ये कैद होणार आहे. १० मार्चला मतमोजणी होणार आहे.