लखनऊ: उत्तर प्रदेशची राजधानी लखनऊमधील एका गावात असलेल्या तलावात महिलेचा मृतदेह सापडला. महिलेला तिचा पाळीव कुत्रा चावला होता. त्यामुळे संतापलेल्या महिलेनं त्याची हत्या केली. यानंतर कुत्र्याचा मृतदेह तलावात फेकण्यासाठी महिला घरातून निघाली. मृतदेह तलावात टाकत असताना महिला पाण्यात पडली. तलावात बुडून महिलेचा मृत्यू झाला. महिला बराच वेळ घरी न परतल्यानं तिचा पती तिच्या शोधासाठी बाहेर पडला. त्यानंतर या घटनेचा उलगडा झाला.
रुबी असं मृत महिलेचं नाव आहे. रुबी तिचा पती आणि दोन मुलांसह लखनऊच्या पीजीआय पोलीस ठाण्याच्या हद्दीत येणाऱ्या डालोना गावात वास्तव्यास होती. तिनं घरात एक कुत्रा पाळला होता. ७ जानेवारीला रुबीला कुत्रा चावला. याआधी हाच कुत्रा रुबीच्या मुलालाही चावला होता. त्यामुळे संतप्त महिलेनं पाळीव कुत्र्याला संपवलं. कुत्र्याचा मृतदेह टाकण्यासाठी रुबी जवळच असलेल्या तलावाजवळ गेली होती. मृतदेह पाण्यात फेकताना तिचा तोल गेला आणि ती तलावात कोसळली.
रुबी बराच वेळ घरी परतली नसल्यानं तिचा पती शोधासाठी घराबाहेर पडला. त्याला तलावात रुबीची चप्पल तरंगताना दिसली. त्यानं आसपासच्या लोकांकडे मदत मागितली. सगळ्यांनी महिलेचा शोध सुरू केला. काही वेळात तलावात महिलेचा मृतदेह सापडला. स्थानिकांनी मृतदेह बाहेर काढला. घटनेची माहिती पोलिसांना देण्यात आली. पोलिसांनी घटनास्थळी येऊन मृतदेह ताब्यात घेऊन शवविच्छेदनासाठी पाठवला.
महिलेच्या पतीचा जबाब नोंदवून पोलिसांनी प्रकरणाची नोंद केली. पोलिसांनी प्रकरणाचा तपास सुरू केला आहे. शवविच्छेदन अहवाल आल्यानंतर पुढील कार्यवाही केली जाईल, अशी माहिती लखनऊ पूर्व झोनचे एडीसीपी सय्यद अली अब्बास यांनी दिली.
रुबी असं मृत महिलेचं नाव आहे. रुबी तिचा पती आणि दोन मुलांसह लखनऊच्या पीजीआय पोलीस ठाण्याच्या हद्दीत येणाऱ्या डालोना गावात वास्तव्यास होती. तिनं घरात एक कुत्रा पाळला होता. ७ जानेवारीला रुबीला कुत्रा चावला. याआधी हाच कुत्रा रुबीच्या मुलालाही चावला होता. त्यामुळे संतप्त महिलेनं पाळीव कुत्र्याला संपवलं. कुत्र्याचा मृतदेह टाकण्यासाठी रुबी जवळच असलेल्या तलावाजवळ गेली होती. मृतदेह पाण्यात फेकताना तिचा तोल गेला आणि ती तलावात कोसळली.
रुबी बराच वेळ घरी परतली नसल्यानं तिचा पती शोधासाठी घराबाहेर पडला. त्याला तलावात रुबीची चप्पल तरंगताना दिसली. त्यानं आसपासच्या लोकांकडे मदत मागितली. सगळ्यांनी महिलेचा शोध सुरू केला. काही वेळात तलावात महिलेचा मृतदेह सापडला. स्थानिकांनी मृतदेह बाहेर काढला. घटनेची माहिती पोलिसांना देण्यात आली. पोलिसांनी घटनास्थळी येऊन मृतदेह ताब्यात घेऊन शवविच्छेदनासाठी पाठवला.
महिलेच्या पतीचा जबाब नोंदवून पोलिसांनी प्रकरणाची नोंद केली. पोलिसांनी प्रकरणाचा तपास सुरू केला आहे. शवविच्छेदन अहवाल आल्यानंतर पुढील कार्यवाही केली जाईल, अशी माहिती लखनऊ पूर्व झोनचे एडीसीपी सय्यद अली अब्बास यांनी दिली.