लक्षद्वीपजवळ अमेरिकेच्या नौदलाची घुसखोरी, भारताकडून चिंता व्यक्त

नवी दिल्लीः कुठलीही परवानगी न घेतला लक्षद्वीपजवळ अमेरिकन नौदलाच्या ७ फ्लीटकडून सुरू असलेल्या सरावाच्या मुद्द्यावर भारताने अमेरिकेकडे चिंता व्यक्त केली आहे. भारताने राजनैतिक मार्गांच्या माध्यमातून अमेरिकेकडे आपली चिंता व्यक्त केली आहे. कुठल्याही सहमतीशिवाय अशा प्रकारचा 'सराव' भारताच्या सागरी सुरक्षा धोरणाची अवहेलना आहे, असं भारताने स्पष्ट केलं आहे.

संयुक्त राष्ट्रांच्या सागरी सुरक्षा कायद्यानुसार भारताने आपली बाजू स्पष्ट केली आहे. एक्सक्लुसिव्ह इकॉनॉमिक झोमध्येमध्ये घुसून युद्ध सराव करण्याचा कुठल्याही देशाला अधिकार नाहीए. विशेष करून ज्या सरावात स्फोटकं आणि शस्त्रास्त्रांचा समावेश असेल, असं परराष्ट्र मंत्रालयाने जारी केलेल्या निवेदनात म्हटंल आहे.

लक्षद्वीपपासून १३० नॉटिकल मैल पश्चिमेस भारताच्या एक्सक्लुसिव्ह इकॉनॉमिक झोनच्या आत नेव्हीगेशनल राइट्स आणि फ्रीडमचा उपयोग केला आहे. आंतरराष्ट्रीय कायद्यांचे पालन करत भारताची परवानगीची गरज नाही, असं अमेरिकेची युद्धनौका USS जॉन पॉलने म्हटलं होतं. पण एक्सक्लुसिव्ह इकॉनॉमिक झोनच्या आत युद्ध सराव किंवा वाहतुकीसाठी पूर्व परवानगी घेणं बंधनकारक आहे, असं भारताने म्हटलं आहे.

अमेरिकन नौदलाची दादागिरी!; भारताच्या हद्दीत विना परवानगी सराव

दहशतवादी मशिदीत शिरले; सुरक्षा दलाकडून आत्मसमर्पणासाठी संधी

आम्ही नेहमी आणि नियमित फ्रीडम ऑफ नेव्हीगेशन ऑपरेशन्स करतो. जे यापूर्वीही केले आहेत आणि पुढेही करत राहणार. हे ऑपरेशन्स कुठल्या एका देशाशी संबंधित नाहीत आणि त्याचा कुठलाही राजकीय अर्थ नाही, असा दावा अमेरिकन युद्धनौकेने केला आहे. अमेरिकन नौदलाच्या ७ व्या फ्लीटने केलेला दावा हा भारतासाठी चिंतेची बाब ठरू शकतो. कारण अमेरिका भारताच्या सर्वात जवळचा सामरीक भागिदार आहे.