मटा ऑनलाइन वृत्त । चंदीगड
'डेरा सच्चा सौदा'चे प्रमुख बाबा रामरहीम गुरमीत यांच्या विरोधातील बलात्कार खटल्याच्या निकालाच्या पार्श्वभूमीवर पंजाब-हरयाणा उच्च न्यायालयानं हरयाणा सरकारला महत्त्वपूर्ण निर्देश दिले आहेत. 'डेरा'च्या समर्थकांनी कायदा हातात घेण्याचा प्रयत्न केल्यास गरजेनुसार शस्त्रबळाचा वापर करा. अजिबात डगमगू नका. तसंच, कुठल्याही राजकीय नेत्यांनी पोलिसांच्या कामात हस्तक्षेप केल्यास त्यांच्यावर थेट गुन्हा दाखल करा,' असंही न्यायालयानं बजावलं आहे.
रामरहीम यांच्याविरोतील खटल्याचा निकाल काय लागतो, हे ऐकण्यासाठी त्यांचे हजारो अनुयायी पंजाब व हरयाणात ठिकठिकाणी डेरा टाकून बसले आहेत. निकाल विरोधात गेल्यास कायदा व सुव्यवस्थेचा प्रश्न निर्माण होऊ नये म्हणून पंजाब-हरयाणातील मोबाइल व इंटरनेट सेवा ७२ तासांसाठी बंद करण्यात आली आहे. चंडीगडमधील सर्व सरकारी कार्यालयांना सुटी देण्यात आली आहे. पंचकुला जिल्ह्यातील सर्व शाळा, कॉलेजही बंद राहणार आहेत. तसेच, पंजाब व हरयाणाच्या दिशेने येणाऱ्या सर्व ट्रेनही रद्द करण्यात आल्या आहेत. निमलष्करी दलालाही पाचारण करण्यात आलं आहे.
निकालानंतर कायदा-सुव्यवस्था बिघडू नये याची खबरदारी घेण्याचे आदेश न्यायालयानं सरकारला दिले आहेत. तसंच, सुरक्षा यंत्रणांना काहीशी मोकळीक दिली आहे. 'कुठल्याही प्रकारे अराजक माजवण्याचा प्रयत्न खपवून घेऊ नका. आत्मदहन करण्याचा प्रयत्न करणाऱ्यांवर बारकाईनं लक्ष ठेवा. चिथावणीखोर वक्तव्य करणाऱ्यांवर गुन्हा दाखल करा,' अशा सूचना न्यायालयानं दिल्या आहेत. राम रहीम यांना न्यायालयात हजर करण्यास विलंब लावू नका. न्यायालयीन प्रक्रियेचं संपूर्ण व्हिडिओ रेकॉर्डिंग करण्याची व्यवस्था करा,' असे निर्देशही स्थानिक प्रशासनाला दिले आहेत. या प्रकरणावर सायंकाळी ४ वाजता सुनावणी होणार आहे.
'डेरा सच्चा सौदा'चे प्रमुख बाबा रामरहीम गुरमीत यांच्या विरोधातील बलात्कार खटल्याच्या निकालाच्या पार्श्वभूमीवर पंजाब-हरयाणा उच्च न्यायालयानं हरयाणा सरकारला महत्त्वपूर्ण निर्देश दिले आहेत. 'डेरा'च्या समर्थकांनी कायदा हातात घेण्याचा प्रयत्न केल्यास गरजेनुसार शस्त्रबळाचा वापर करा. अजिबात डगमगू नका. तसंच, कुठल्याही राजकीय नेत्यांनी पोलिसांच्या कामात हस्तक्षेप केल्यास त्यांच्यावर थेट गुन्हा दाखल करा,' असंही न्यायालयानं बजावलं आहे.
रामरहीम यांच्याविरोतील खटल्याचा निकाल काय लागतो, हे ऐकण्यासाठी त्यांचे हजारो अनुयायी पंजाब व हरयाणात ठिकठिकाणी डेरा टाकून बसले आहेत. निकाल विरोधात गेल्यास कायदा व सुव्यवस्थेचा प्रश्न निर्माण होऊ नये म्हणून पंजाब-हरयाणातील मोबाइल व इंटरनेट सेवा ७२ तासांसाठी बंद करण्यात आली आहे. चंडीगडमधील सर्व सरकारी कार्यालयांना सुटी देण्यात आली आहे. पंचकुला जिल्ह्यातील सर्व शाळा, कॉलेजही बंद राहणार आहेत. तसेच, पंजाब व हरयाणाच्या दिशेने येणाऱ्या सर्व ट्रेनही रद्द करण्यात आल्या आहेत. निमलष्करी दलालाही पाचारण करण्यात आलं आहे.
निकालानंतर कायदा-सुव्यवस्था बिघडू नये याची खबरदारी घेण्याचे आदेश न्यायालयानं सरकारला दिले आहेत. तसंच, सुरक्षा यंत्रणांना काहीशी मोकळीक दिली आहे. 'कुठल्याही प्रकारे अराजक माजवण्याचा प्रयत्न खपवून घेऊ नका. आत्मदहन करण्याचा प्रयत्न करणाऱ्यांवर बारकाईनं लक्ष ठेवा. चिथावणीखोर वक्तव्य करणाऱ्यांवर गुन्हा दाखल करा,' अशा सूचना न्यायालयानं दिल्या आहेत. राम रहीम यांना न्यायालयात हजर करण्यास विलंब लावू नका. न्यायालयीन प्रक्रियेचं संपूर्ण व्हिडिओ रेकॉर्डिंग करण्याची व्यवस्था करा,' असे निर्देशही स्थानिक प्रशासनाला दिले आहेत. या प्रकरणावर सायंकाळी ४ वाजता सुनावणी होणार आहे.