Covid Vaccine For Kids : १५ वर्षांखालील मुलांनाही देणार करोनाची लस? केंद्रीय आरोग्यमंत्र्यांनी दिले उत्तर

नवी दिल्ली : देशाच्या विविध भागात शाळा पुन्हा सुरू करण्यात आल्या आहेत. या मुद्द्यावर मुलांच्या सुरक्षेला निर्माण होणाऱ्या धोक्यांबद्दल संसदेत काही खासदारांनी चिंता व्यक्त केली. केंद्रीय आरोग्यमंत्री मनसुख मांडवीय ( mansukh mandaviya ) या मुद्द्यावर संसदेत मोठी माहिती दिली. तज्ज्ञ गटाच्या शिफारशींच्या आधारे सरकार १५ वर्षांपर्यंतच्या मुलांच्या लसीकरणाचा ( vaccination for children ) निर्णय घेईल, असे मांडवीय म्हणाले. राज्यसभेत प्रश्नोत्तराच्या तासादरम्यान पुरवणी प्रश्नांना उत्तर देताना त्यांनी मंगळवारी ही माहिती दिली.

कोणत्या वयोगटातील लोकांना कोविडची लस आधी द्यायची हे सुचवण्यासाठी सरकारने तज्ज्ञांचा एक गट तयार केला आहे, असे आरोग्यमंत्री मांडवीय यांनी सांगितले. सध्या १५ ते १८ वर्षे वयोगटातील किशोरवयीन मुलांचे लसीकरण सुरू आहे. या वयातील सुमारे ६७ टक्के मुलांना पहिला डोस देण्यात आला आहे. १५ वर्षांखालील मुलांच्या लसीकरणाचा निर्णय हा तज्ज्ञ गटाच्या शिफारशींच्या आधारे घेतला जाईल, असे मांडवीय यांनी स्पष्ट केले.

देशात ९७.५ टक्के पात्र लाभार्थ्यांना लसीचा पहिला डोस देण्यात आला आहे आणि त्यापैकी ७७ टक्के जणांना दुसरा डोस देण्यात आला आहे. विकसित देशांमध्ये ९० टक्क्यांहून अधिक नागरिकांना लसीचा पहिला डोसही मिळालेला नाही. भारत कोविड संकट अधिक चांगल्या प्रकारे हाताळत आहे, असे मांडवीय म्हणाले.

देशात सध्या करोनाचा ओमिक्रॉन हाच प्रबळ वेरियंट आहे. देशात २१ जानेवारीपासून करोना संसर्गाच्या प्रकरणांमध्ये घट झाली आहे. करोना महामारीमुळे प्राण गमावलेल्या १,६१६ आरोग्य कर्मचाऱ्यांच्या नातेवाईकांना ८०८ कोटी रुपये विम्याचे दावे म्हणून अदा करण्यात आले आहेत. सरकार करोनाने झालेल्या मृत्युंची आकडेवारी लपवत नाहीए. केंद्राला ही आकडेवारी राज्य सरकारांकडूनच मिळते, असे मांडवीय सांगितले.

covid - 19 vaccination : करोना प्रतिबंधक लशीसाठी आधारसक्ती नाही

करोना विषाणूच्या भीतीवर मात करण्यासाठी उचललेल्या पावलांबाबत केंद्री आरोग्य राज्यमंत्री भारती पवार यांनी माहिती दिली. अशा लोकांना मदत करण्यासाठी सरकारने अनेक स्तरावर पुढाकार घेतला आहे. या संदर्भात सुरू करण्यात आलेल्या हेल्पलाइनला ५.७७ लाख कॉल आले आहेत आणि सुमारे दोन कोटी नागरिकांना टेलि-कन्सल्टेशन सेवेचा फायदा झाला आहे. यामध्ये मानसिक आरोग्य समुपदेशनाचाही समावेश होता. राज्यातल्या नागरिकांमधील मानसिक तणाव कमी करण्यासाठी पावले उचलण्यासाठी सूचना जारी करण्यात आली होती, असे भारती पवार म्हणाल्या.

coronavirus : गुड न्यूज! करोना रुग्णसंख्येत लक्षणीय घट, ९ व्या लसीला केंद्राने दिली मंजुरी

राष्ट्रीय स्तरावर बाल आणि माता मृत्यूचे प्रमाण कमी झाले आहे. पण छत्तीसगडमध्ये त्यात घट झालेली नाही. राष्ट्रीय आरोग्य अभियानांतर्गत गेल्या वर्षी छत्तीसगडला ९७९ कोटी रुपयांचे वाटप करण्यात आले होते, अशी माहितीही केंद्रीय आरोग्य राज्यमंत्री भारती पवार यांनी दिली.