विहिंपने मागितला पर्रीकरांचा राजीनामा

नवी दिल्लीः गोव्याचे मुख्यमंत्री मनोहर पर्रीकर यांनी विधानसभेत केलेल्या गोमांसविषयक वक्तव्यानंतर, संघ परिवारातील संघटनांकडून त्यांना लक्ष्य करण्यात आले आहे. या वक्तव्याबद्दल पर्रीकर यांच्यावर सडकून टीका करताना, त्यांच्या राजीनाम्याची मागणी विश्व हिंदू परिषदेचे नेते डॉ. सुरेंद्र जैन यांनी ट्विटरवरून केली आहे. ‘भाजप बीफ जॉय पार्टी झाली आहे का’, असेही जैन यांनी म्हटले आहे.

‘गोव्यात गोमांसाचा तुटवडा निर्माण होणार नाही. गरज पडल्यास, शेजारच्या कर्नाटकमधून मदत घेतली जाईल,’ असे विधान पर्रीकर यांनी मंगळवारी गोवा विधानसभेत बोलताना केले होते.