बलात्कार, दहशतवाद, नक्षलवाद ही नेहरू घराण्याची देण: साध्वी प्राची

नवी दिल्ली: आपल्या बेलगाम आणि वादग्रस्त वक्तव्याने सतत चर्चेत असलेल्या विश्व हिंदू परिषदेच्या नेत्या साध्वी प्राची यांनी पुन्हा एकदा वादग्रस्त विधान केलं आहे. नक्षलवाद, दहशतवाद आणि बलात्कार ही नेहरू घराण्याचीच देण आहे, असं धक्कादायक विधान साध्वी प्राची यांनी केलं आहे. साध्वी प्राची यांच्या या विधानावर आश्चर्य व्यक्त केलं जात आहे.

मेरठ येथे एका कार्यक्रमात साध्वी प्राची यांनी काँग्रेस नेते राहुल गांधी यांच्यावर टीका करताना हे विधान केलं. भारत जगात रेप कॅपिटल म्हणून ओळखला जात असल्याची टीका राहुल यांनी केली होती. त्यावर बोलताना साध्वी प्राची यांचा तोल सुटला. नक्षलवाद, दहशतवाद आणि बलात्कार या सर्व गोष्टी नेहरू घराण्याची देण आहे, असं त्या म्हणाल्या. तसेच सत्तेत असताना समाजवादी पार्टीचे नेते अखिलेश यादव बलात्काऱ्यांना वाचवतात आणि सत्ता गेल्यावर बलात्काऱ्यांना शिक्षा व्हावी म्हणून धरणे आंदोलन करतात. अखिलेश यादव यांची भूमिकाच दुटप्पी असल्याची टीकाही त्यांनी केली.

गुन्हेगारांचा सत्कार होत असेल तर..?: DGP

यावेळी साध्वी प्राची यांनी हैदराबादमध्ये पोलिसांनी बलात्काऱ्यांच्या केलेल्या एन्काउंटरचं समर्थन केलं. हैदराबाद पोलिसांकडून धडा घेऊन उत्तर प्रदेश पोलिसांनीही उन्नावप्रकरणी न्याय केला पाहिजे. ज्या ठिकाणी पीडितेला नराधमांनी जिवंत जाळले, त्याच ठिकाणी या आरोपींनाही जाळायला हवे, असा संताप व्यक्त करतानाच उन्नाव कांडातील आरोपींना कठोरातील कठोर शिक्षा सुनावण्याची मागणीही त्यांनी केली. मानवाधिकार आयोगाने हैदराबादला जाऊन हैदराबाद पोलिसांची पाठ थोपटली पाहिजे, असंही त्या म्हणाल्या.

मधू म्हणाली, बरं झालं बलात्काऱ्यांना ठार केलं

मी हिंदू धर्मासाठी काम करते. त्यामुळे काही संघटना माझ्या जीवावर उठल्या आहेत. मला अनेकदा जीवे मारण्याची धमकीही देण्यात आली आहे. माझ्या सुरक्षेसाठी केवळ एकच पोलीस देण्यात आला आहे. तेही उत्तर प्रदेशातच हा शिपाई सुरक्षेसाठी देण्यात आला आहे. पण तरीही मी माझ्या कार्यापासून तसूभरही मागे हटणार नाही, असं त्या म्हणाल्या.

उन्नाव; पीडितेचे केले दफन; बहिणीला नोकरी, घर