Una:उना कांड घडलं तिथंच बौद्ध विहार बांधणार

अहमदाबाद: उना येथे ज्या ठिकाणी दलितांना मारहाण करण्यात आली. त्या ठिकाणी बौद्ध विहार बांधण्यात येणार आहे. त्यासाठी व्यापक मोहिम हाती घेण्यात येणार असल्याचं ऊना येथील पीडित दलितांनी सांगितलं.

दोन वर्षापूर्वी काही गोरक्षकांनी उना येथील दलितांना अमानूषपणे मारहाण केली होती. या घटनेचे संपूर्ण देशभर पडसाद उमटले होते. या घटनेमुळे संतप्त झालेल्या शेकडो दलितांनी हिंदू धर्माचा त्याग करून बौद्ध धर्म स्वीकारला. बुद्ध पौर्णिमेचं औचित्य साधून त्यांनी बौद्ध धर्मात प्रवेश केला. हिंदू धर्मात सन्मानानं वागणूक दिली जात नव्हती. हिंदुंनी आम्हाला कधीच त्यांचं मानलं नाही. त्यामुळे आम्ही बौद्ध धर्म स्वीकारल्याचं धर्मांतरीत दलितांनी सांगितलं.

उना कांडातील पीडित रमेश आणि वशरामचे वडील बालू सरवइया बौद्ध विहार बांधण्यासाठी पुढाकार घेणार आहेत. संपूर्ण गुजरातमध्ये जे लोक जातीय अत्याचाराने पीडित आहेत. त्यांच्याकडून मंदिरासाठी एक वीट दान म्हणून घेण्यात येणार असून या विटांचं विहार बांधण्यात येणार आहे. येणाऱ्या पिढिला या विहारामागचा इतिहास कळावा म्हणून हे करण्यात येणार असल्याचं या दोघांनी स्पष्ट केलं.