tractor rally violence : लाल किल्ल्यावर झेंडा लावणारा तरुण तरण तारणचा, तीन मुलींसह आई-वडील बेपत्ता

भिखविंड (तरण तारण) : दिल्लीत शेतकरी ट्रॅक्टर परेड दरम्यान लाल किल्ल्यावर झेंडा ( violence at red fort ) लावणारा जुगराज सिंग हा तरुण तरण तारणच्या तारासिंह या गावाचा आहे. टीव्ही आणि सोशल मीडियावर चालणार्‍या व्हिडिओंद्वारे कुटुंबीयांनी आणि ग्रामस्थांनी त्याची ओळख पटवली आहे. पोलिसांनी कुटुंबीयांचीही चौकशी केली असल्याचं सांगण्यात येत आहे. जुगराज सिंगचे वडील बलदेव सिंग, आई भगवंत कौर हे तीन मुलींसह बेपत्ता आहेत.

आई-वडील तीन मुलींसह घरातून बेपत्ता

लाल किल्ल्यावर झेंडा लावणारा आपला नातू जुगराज सिंग होता. आमचे कुटुंब सीमेजवळ असलेल्या तारेच्या कुंपणाजवळ शेती करतं. आपल्या कुटुंबातील कोणताही सदस्य कोणत्याही असमाजिक कार्यात सामील झालेला नाही, असं जुगराज सिंगचे आजोबा माहिल सिंग आणि आजी गुरचरण कौर यांनी सांगितलं.

जुगराज गावातील गुरुद्वारामध्ये निशान साहिब येथे चोला साहिबची सेवा करतो. गावात सहा गुरुद्वारा साहिब आहेत. जेव्हा जेव्हा चोला साहिब निशान साहिबवर अर्पण करायचे तेव्हा जुगराज सिंग हे काम करायचा. त्याने दिल्लीतील लाल किल्ल्यावर झेंडा फडकावला असावा, असं त्याची आजी गुरचरण कौर म्हणाल्या.

हिंसाचार प्रकरणी शेतकरी नेत्यांवर कारवाई होणार?; दिल्ली पोलिस आयुक्त म्हणाले...

जुगराज निशान साहिबवर चोला साहिब अर्पण करण्यात माहिर

त्याच्या या कृत्याने गावकरीही चकित झाले आहेत. जुगराज सिंग हा मॅट्रिक पास आहे. २४ जानेवारीला खेड्यातील दोन ट्रॅक्टर ट्रॉली शेतकरी आंदोलनासाठी दिल्लीकडे रवाना झाल्या. त्यांच्याबरोबर जुगराज सिंगही दिल्लीला गेला. २६ जानेवारीला टीव्हीवरील बातमी पाहून आम्ही चकीत झालो. लाल किल्ल्यावर झेंडा लावणारा तरुण हा जुगराज सिंग होता. तो आमच्या गावचा आहे, असं गावातील प्रेम सिंग म्हणाले.

जावडेकरांचा राहुल गांधींवर पलटवार; म्हणाले, 'काँग्रेसने शेतकऱ्यांना जाणीवपूर्वक चिथावले'

दिल्लीत ट्रॅक्टर परेडमध्ये हिंसाचार; ५५० ट्वीटर अकाउंटवर कारवाई

पोलिसांनी कुटुंबीयांची चौकशी केली

२६ जानेवारीला रात्री १० वाजता पोलिसांची पथक जुगराज सिंगच्या घरी पोहोचली आणि कुटुंबीयांची चौकशी केली. चौकशी दरम्यान जुगराज सिंगचे वडील बलदेव सिंग यांनी त्यांचा मुलगा शेतकरी आंदोलनात दिल्लीला गेल्याचं सांगतिलं. अडीच वर्षांपूर्वी तो चेन्नईस्थित एका खासगी कंपनीत नोकरीसाठी गेला होता. पण पाच महिन्यांनंतर तो परतला. यानंतर शेतीचे काम सुरू झाले.

दिल्ली पोलिस या प्रकरणाची चौकशी करणार आहेत. हे प्रकरण कट्टरतााद्यांशी संबंधित असू शकतं. हे प्रकरण खलिस्तान आंदोलनाशी संबंधित तर नाही ना, याचा तपासही केला जात आहे, असं एका पोलिस अधिकाऱ्याने सांगितलं.