हिंदी दिवसाच्या शुभेच्छा देताना चुकला सेहवाग!

मटा ऑनलाइन वृत्त । नवी दिल्ली

आंतरराष्ट्रीय क्रिकेटमधून निवृत्ती घेतल्यानंतर क्रिकेटपटू वीरेंद्र सेहवाग टि्वटरवर खूप सक्रीय असतो. त्याचे गंमतीशीर टि्वट्स लोकांना आवडतातही. पण आज हिंदी भाषा दिनानिमित्त टि्वट करताना नेमकं सेहवाग चुकला. हिंदी भाषा दिनानिमित्त त्याने शुभेच्छा दिल्या खऱ्या पण 'हिंदी' शब्द लिहिताना नेमकी गल्लत केली.

त्याने टि्वट केलं - 'हिन्दि हमारे राष्ट्र की अभिव्यक्ति का सरलतम स्त्रोत हैं! जो बात हिंदी में है वो किसी और में नही! १७ सप्टेंबर को हिंदी कमेंट्री!#HindiDiwas' खरं तर हिंदीचा सन्मान केला म्हणून सेहवागचं कौतुक करायला हवं. पण हिंदी हा शब्द त्याने 'हिन्दि' लिहीला. 'स्रोत' हा शब्द 'स्त्रोत' असा लिहिला. अर्थात पुढच्याच ओळीत त्याने योग्य शब्द लिहिला. पण हे टि्वट सेहवागने डिलीटही केलं नाही. त्याने स्वत:लाच रिप्लाय करत योग्य शब्द लिहिला.

हिन्दि हमारे राष्ट्र की अभिव्यक्ति का सरलतम स्त्रोत है ! जो बात हिंदी में है वो किसी और में नही! 17 Sept. को हिंदी कमेंट्री !#HindiDiwas . pic.twitter.com/Es30ijpczn — Virender Sehwag (@virendersehwag) September 14, 2017