नवी दिल्ली : केंद्रीय निवडणूक आयोगाने शुक्रवारी झारखंड विधानसभा निवडणुकीचा कार्यक्रम जाहीर केला असून, या राज्यातील ८१ जागांसाठी पाच टप्प्यांमध्ये मतदान होत आहे. पहिल्या टप्प्यात ३० नोव्हेंबर रोजी होणार आहे. तर, ७, १२, १६ आणि २० डिसेंबर रोजी पुढील चार टप्प्यांमध्ये मतदान होईल. २३ डिसेंबर रोजी मतमोजणी होणार असल्याचे मुख्य निवडणूक आयुक्त सुनील अरोरा यांनी जाहीर केले.
झारखंड विधानसभेची सदस्य संख्या ८१ असून, बहुमतासाठीचा आकडा ४१ आहे. झारखंडमध्ये भाजप आणि ऑल झारखंड स्टुडंट्स युनियनची सत्ता आहे. २०१४च्या निवडणुकीत भाजपला ३७, तर एजेएसयूला ५ जागा मिळाल्या होत्या. राज्यात एकूण १९ जिल्हे नक्षलग्रस्त असून, त्यातील ६७ मतदारसंघांमध्ये माओवाद्यांच्या कारवायांचा धोका आहे.
पक्षीय बलाबल
भाजप ३७
जेएमएम १९
काँग्रेस ७
जेव्हीएम ८
जेएसयू ५
इतर ६
एकूण जागा ८१
………